Udalekuetara, Lesakara, Txirbillarekin
Ekainaren 24tik 28ra, 2006 eta 2008 urteen artean jaiotakoentzat udalekuak antolatu ditu Lezoko aisialdi taldeak.
Txirbillakoek martxoan Amaiurrera egin zuten asteburu-pasaren une baten irudia. Argazkia: Txirbilla. Txiribilla Aisialdi Taldeak udaleku itxiak antolatu ditu. 2006, 2007 eta 2008 urteetan jaiotakoentzako, ekainaren 24tik 28ra prestatu ditu udalekuak, Lesakan. Izen emate epea zabalik da, hilaren 15era (asteazkena) arte.
Proposamenarekin bat egiten dutenek 150 euro ordaindu behar dituzte (aurrerago zehaztuko dute nola egin ordainketa). Hala, izena eman nahi dutenentzat Internet bidezko formularioa prestatu dute. Klik egin hemen, eta galdetegi motz horretara joateko aukera izanen dute interesdunek. Aldi berean, udalekuen gaineko informazio xeheagoa behin izen emate epea bukatzean emango dute Txirbillakoek.
