'Koadro bat testu anitz', Merkatuzarren ikusgai
Koldo Mitxelena ikastetxeko hezkuntza komunitateak bere proiektu garrantzitsuenetako bat aurkeztu zuen joan den ostiralean: 'Koadro bat testu anitz'
'Koadro bat testu anitz'. Argazkia: Herri bizia Koadro bat testu anitz proiektuaren hemeretzigarrena hartu du joan den ostiraletik Merkatuzarren. Proiektu horren barruan, Koldo Mitxelena ikastetxeko hezkuntza komunitateak, ikasle, langile, familiek, sorkuntzari bidea zabaltzen diote obra bat oinarri hartuta.
Aurten aukeratu duten obra, gertu-gertukoa dute. Udaleko pleno aretoan den Alegoria murala, Valeriano Leceta Gabarainek margotua hartu dute oinarri haren inguruko testuak, esku lanak eta artelanak sortzeko. Koldo Mitxelena ikastetxearen proiektu garrantzitsuenetako bat da Koadro bat, testu anitz, eta eskolatik herrira jauzi eginda, Merkatuzarreko Jose Luis Caso aretoan bisitatu ahalko dira lanak biltzen dituen erakusketa hilaren 18ra arte, 17:00etatik 20:00etara.
