Eskrima tiratzaile gazteak, bikain
Atzo Gipuzkoako Eskolarteko Eskrimako Ligaren azken aurreneko jardunaldia jokatu zen, Lezoko Beleak Eskrima Klubeko zazpi tiratzaileren parte hartzearekin. Lezoarrak bikain aritu ziren, eta hiru dominarekin itzuli dira etxera.
Atzo Gipuzkoako Eskolarteko Eskrimako Ligaren azken aurreneko jardunaldia jokatu zen Donostiako Pio Baroja kiroldegian. Lezoko Beleak Eskrima Klubeko zazpi tiratzailek hartu zuten parte topaketan, eta bikain aritu ziren, hiru dominarekin itzuli baitira etxera. Talde lezoarreko kideak benjamin, kimu eta kadete mailetan aritu ziren. Orotara, 50 tiratzaile inguru bildu ziren Donostian.
Unax Zallak urrea lortu zuen benjamin mailan, eta Nico Dafauce taldekideak, aldiz, brontzea. Hirugarren domina Nico Infantek zintzilikatu zuen, hirugarren izan baitzen kadete mailan. Gainontzekoek tiratzaileek ere hainbat ohorezko postu erdietsi zituzten. Klubak adierazi du emaitzak “onak” direla, eta ekainean jokatuko den azken jardunaldira ligaren bat irabazteko aukerekin iritsi direla eskrima jokalari gazteek.
Honakoak izan ziren Lezoko Beleak Eskrima Klubeko kideen emaitzak:
Benjaminak:
- 1. Unax Zalla Intxaurrandieta (Pasaia-Lezo Lizeoa).
- 3. Nico Dafauce Estevez (Zuhaizti Eskola).
- 6. Luka Fernandez Pascual (Elizalde Herri Eskola).
Kimuak:
- 5. Aratz Ayestaran Narciso (Pasaia-Lezo Lizeoa).
- 6. Ekhi Ayestaran Narciso (Pasaia-Lezo Lizeoa).
- 7. Maite Ibarguren Zuñiga (Elizalde Herri Eskola).
Kadeteak:
- 3. Nico Infante Arranz (Pasaia-Lezo Lizeoa).
