Euskadiko trainerilla txapelketako urrea, San Juango Neska Gazteentzat
Atzo jokatu zuten finala, goizean, Ondarroan. Fin aritu dira Pasaiako ontziak oro har. Hibaikako Neska Kadeteek ez dute emaitza onik lortu Euskadikoan.
San Juango Gazte Neskek irabazi dute Euskadiko trainerilla txapelketa. Argazkia: Bermeo arraun Argazkia Urrea zintzilik itzuli ziren atzo Ondarrutik San Juango Neska Gazteak. Euren ontzia izan zen kategoriako ontzirik azkarrena atzo goizean Ondarroan jokatutako Euskadiko Trainerilla Txapelketan. Fin ibili ziren, gogor lan eginda, eta emaitzek erakutsi dute hori. Izar aranburu Mutiloa, Katia Irazu Salaberria, Laia Guereño Legorburu, Aiora Calvo Arbona, Elaia Arruti Irastorza, Amaritu Lopetegi Aramendi eta Laida Valderrama Crujeirasek osatutako tripulazioak emaitzarik onena ekarri zuen etxera.
Gainontzeko kategorietan halako garaipenik ez Pasaiako trainerillek, baina fin aritu zirenik ezin uka. Neska kadeteetan, laugarren postau egin zuten Euskadikoan sanjuandarrek; Pasai Sanpedrokoak, hamargarren sailkatu ziren.
Kategoria berean lehiatu ziren Errenteria-Oreretakoak. ez zuten atzo emaitza onik lortu, baina, tamalez. Azkenak bukatu zuten Hibaikako kadete neskek txapelketako estropada.
Mutil kadeteetan, San Juan laugarren berriro, eta Sanpedrotarra, hamargarren. Mutil Gazteen kategorian, Sanpedrotarra seigarren atzoko txapelketan.
