Madalenak jantziko dituen kartelaren aukeraketa, martxan
Gaur zabalduko dute erakusketa eta ekainaren 1a arte. Herri sariaren barruan, lana gustukoena bozkatzea dago bertan.
Madalenak gero eta gertuago, eta haiei begirakoak ere, martxan dagoeneko. Gaur bertan zabalduko dute kartel lehiaketarako aurkeztu diren lanen aukeraketaren erakusketa. Xenpelar etxean ikusi ahalko da erakusketa hori gaurtik ekainaren 1era bitartean, arratsaldez, 17:00etatik 20:00etara.
Kategoria orokorreko lanak ikus daitezke bertan, baita haurren kategorian aurkeztu eta aurrez hautatutako lanak ere. Aurtengo madalenen kartel iragarlea eta haurren kategoriako irabazlea aukeratzeko epaimahaia kalifikatzaileak hilaren 29an elkartuko da, asteazkenarekin.
Lan horien artean ere Herri Saria jasoko duen lana aukeratuko da, eta horretarako herritarrek erakusketaren lekuan bertan bozka emateko aukera izango dute hilaren 28ra arte.
Sari guztien berri, hilaren 29an emango dute. Erakusketa berriz, ekainaren 1a arte izango da ikusgai, astelehenetik larunbatera 17:00etatik 20:00etara.
