Kultur aniztasuna, argazkitara
Udalerrian den kultur aniztasuna esploratu eta irudietan jaso nahi dute, eta hori egiteko, argazki lehiaketa antolatu du Proclade Yanapay fundazioak
Burubeltz Konpartsa Errenterian 11 Kolore jardunaldien barruan joan den ostiralean. Argazkia: Garazi Agirresarobe Udalerrian den kultur aniztasuna esploratu eta irudietan jaso nahi dute, eta hori egiteko, argazki lehiaketa antolatu du Proclade Yanapay fundazioak: “Argazkien bidez, aniztasuna ospatzeaz gain, kulturen arteko desberdintasunen ulermena eta lotura sustatu nahi dugu”.
Parte hartzaileen egitekoa, beraz, kultur aniztasuna kamera bidez izoztu eta betikotzea. Parte hartzea irekia da, eta doakoa. Gehienez ere bi argazki aurkez daitezke, eta ekainaren 30a baino lehen bidali beharko dira posta elektronikoz (egin klik hemen). adinaren arabera berezitako hiru kategoria ditu lehiaketak, eta horietako bakoitzak izango du saria: 10 urtera arteko kategorian, bluetooth entzungailuak, bozgorailu erreproduzitzailea eta diploma banatuko dituzte; 11-17 urte arteko kategorian, berriz, smartwatcha, bluetooth entzungailuak, eta bozgorailu erreproduzitzailea banatuko dituzte; 18 urtetik gorako kategorian, azkenik, 150, 100 eta 50 euroko sariak banatuko dituzte.
Sari banaketarako eta erakusketaren inauguraziorako ekitaldia antolatuko dutela jakinarazi dute, hala ere, uztailean jakinaraziko zaie irabazleei epaimahaiaren erabakia Proclade Yanapayren webgunearen eta sare sozialen bidez. Fundazioak gainera, ahalmena izango du argazkiak erreproduzitzeko edo erakusteko, egilea adierazita.
