Lezoko 24 orduak, ekainaren 15etik 16ra
Bekoerrota kiroldegian jokatuko da Jaixki Areto Futbol Taldeak antolatutako futbito txapelketa. Izen emateak Jaizkibel eta Tiñelu tabernetan egin behar dira, ekainaren 10a baino lehen.
![](https://oarsoaldea.hitza.eus/site/files/2024/05/lezo-24-ordu.jpg)
Lezoko 24 orduak bueltan dira. Jaixki Areto Futbol Taldeak antolatu du futbito txapelketa, bigarrenez. Iaz hartu zuten txapelketa berreskuratzeko ardura, eta ekainaren 15etik 16ra jokatuko da bigarren edizioa, Bekoerrota kiroldegian. Lezo, hortaz, futbitoaren epizentro bilakatuko da egun batez.
Talde bakoitzak 50 euro ordaindu beharko ditu jokatzeko, eta dirua izena ematerakoan jarriko da. Taldeek 1o jokalari izan beharko dituzte gehienez, eta parte hartzaileak 15 urtetik gorakoak izango dira. Txapelketaren zozketa ekainaren 14an egingo da, 19:00etan, Saldise plazan.
Izen emateak irekita daude jada Jaizkibel eta Tiñelu tabernetan, eta ekainaren 10a da apuntatzeko azken eguna. Antolatzaileek jakinarazi dute 32 taldek izena ematen dutenean zerrenda itxiko dutela.