Zubia da protagonista
Eguerdirako zubia jarrita izatea aurreikusi dute. Egitura bere lekuan kokatuta, hura ongi finkatzeko eta bukatzeko lanak egingo dituzte.
Iztieta eta Altzate arteko zubi berria jarri dute Jarri dute zubi berria. Ikusmin handiz jarraitzen ari dira herritar asko-asko Iztieta eta Altzate lotuko dituen zubi berriaren lanak. Goizeko lehen ordutik jende dezente gerturatu da Iztieta pasealekura, Errenteria eta Lezo arteko zubira, eta inguruetara Altzate eta Iztieta lotuko dituen egitura berria jartzeko lanak gertu-gertutik jarraitzera. Bi garabi erraldoirekin hasi dira zubiaren egitura mugitzen, 09:00ak aldera, eta bi ordu eskasean bere kokalekuan zen zubia.
Orain, zubia bera zein hura sendo finkatzeko lanak egitea tokatuko zaie. Zubiarekin lotutakoak astelehen gauerdian bukatuta izatea aurreikusi dute.
Bien bitartean, ziur, herritar gehiago gerturatuko dira lanen jarraipena bertatik bertara egitera.
