Euskal Herria eta Galiziaren arteko adiskidetasuna ospatzen ari dira
XXXV. Galiziako Eguna ospatzeko hiru eguneko egitaraua ondu du Irmandade de Centros Galegos erakundeak. Atzo abiatu zuten ospakizun sorta, eta bihar arte luzatuko dute.
Atzotik Galiziako musika, dantza, usain eta zaporeekin gozatzen ari dira trintxerpetarrak eta barrutira gerturatu diren herritarrak, XXXV. Galiziako Eguna ospatzen ari baitira. Eguna baino, asteburu oso bat hartuko du festak, bihar bitarte bi herrien arteko adiskidetasuna sinbolizatu eta ospatzeko askotariko ekitaldiak izango baitira, udalak eta Irmandade de Centros Galegos erakundeak egitarau oparoa antolatu baitute. Kirol jarduerak, kontzertuak, dantzak, lehiaketak, animazioa… Ez da aspertzetik tartetik eta aitzakiarik izango. Beheko koadroan gaurko eta biharko egitarau osoa kontsulta daiteke.
HITZA Trintxerpen izan da gaur eguerdian, Gudarien plaza hartu baitu Galiziak. Jende andana gerturatzen hasi da goizetik:
Egitaraua
Ekainak 1
- 18:00: Donostiako Gautxori txaranga izango da jai giroan.
- 22:30: Os Melidaos Galiziar musika talde tradizionalaren emanaldia, Serafin Esnaola plazan.
Ekainak 2
- 11:30: Kalejira, Euskal Herriko Zentro Galegoen Irmandade osatzen duten Galiziako Etxeetako taldeen eskutik.
- 11:30: Gastronomia Lehiaketako produktuen harrera Gudari plazan: enpanadak, filloak eta tortillak.
- 13:30: Agintarien harrera eta pregoia, Xose Estevezen eskutik.
- 14:00: Argazkigintza, Poesia eta Gastronomia Lehiaketetako Sarien banaketa. Ermandade bazkaria Polbeiroren karpan.
- 17:30: Folklore jaialdia, Euskadiko Galizia Etxeetako Xirolarru eta dantza taldeen eskutik.
- 20:30: XXXV. Galiziako egunaren bukaera.
