2023an jaiotako 69 oiartzuarrei harrera egingo diete hilaren 8an
Iaz jaiotako 45 haurren gurasoek hartuko dute parte Arizmendienean hilaren 8an egingo den ekitaldian. Berreskuratu zenetik hamargarren ekitaldia izango da.
2022an jaiotako oiartzuarrei egindako atsolorra. Iaz jaiotako oiartzuarren gurasoek atsolorra prestatu dute datorren astebururako, haurrei ongietorria komunitatean egiteko. Azken urteetan bezala, Arizmendieneko lorategian elkartuko dira. Hilaren 8an izango da —datorren larunbatean—, 11:00etan hasita. Eguraldi txarra egingo balu, ekitaldia Landetxeko auditoriora eramango dutela jakinarazi dute.
2023. urtean 69 oiartzuar jaio ziren Oiartzunen. 45en gurasoek jakinarazi dute larunbateko ekitaldian parte hartuko dutela. Prestaketa lanetan aritu dira, ekitaldia girotzeko parte-hartzeak fintzeko. Zapi banaketak zein zuhaitzak ez dute hutsik egingo giro ederrean ospatu ohi den ekitaldian.
2015ean hasi zen Oiartzungo Udala herriko txikienei komunitatera ongietorria emateko atsolorra antolatzen, 2014an jaiotako haurren gurasoekin elkarlanean. Aurtengoa, beraz, hamargarren ekitaldia izango da, komunitatean egingo dutena.
