Ergoiengo 'santoniyuak', ate joka
Igandean Intxixu Trail egingo dute, eta hurrengo asteburuan iritsiko dira egitarauko ekitaldi ia guztiak. Ohi bezala, askotariko eskaintza prestatu dute.
![ergoiengo sanantoniyuak 2024](https://oarsoaldea.hitza.eus/site/files/2024/06/bazkaya-jubilatuna-edo.jpg)
Hasi berri da ekaina, eta auzoetako festen errondaren bigarren geltokiaren txanda laster iritsiko da: Ergoiengo sanantoniyuak. Ekaina erdialdean izan ohi dira, baina lehendabizi Intxixu Trailek erakarriko ditu auzokide zein bisitariak Uztapide/Urtxale plaza eta inguruetara.
Datorren igandean, hilak 9, izango da mendi lasterketaren IX. ekitaldia, 10:00etatik hasita. Hurrengo asteburuan izango dira ekitaldi gehienak, askotariko eskaintzarekin.
Honakoa da Ergoiengo Jai Batzordeak prestatu duten egitaraua sanantoniyuak ospatzeko.
Hilak 9, igandea
- IX. Intxixu Trail Mendi Lasterketa. 10:00etan hasita, Uztapide/Urtxale plazan.
Hilak 14, ostirala
- 19:00etan: Lehenengo suziria botako da Auzokalte inguruan, San Antoniyo jaiak hastera doazela iragarriz.
- 20:00etan: Kartelada ibiltaria, Auzokalten hasi eta auzoan zehar, urrun dauden senide eta lagunak gogoratuz. Oidultz taldearen musikak girotuko du.
- 22:00etan: Truk txapelketa, Auzokalte elkartean. Sari mundialak jokoan. (Izen ematea 21:45ean itxiko da).
Hilak 15, larunbata
- 10:00etan: Goiz eresia, Lartaungo txistularien eskutik.
- 11:00etan: Erraldoien tailerra. Ondoren, bertan sortutakoak ibiliko dira auzoan zehar, Auzokaltetik abiatuta.
- 11:00etan: Sagardo dastaketa, auzotarren eskutik, Uztapide/Urtxale plazan.
- Bitartean, auzoko gazte eta zaharren arteko desafioa.
- 12:00etan: Haurtzaro dantza taldearen ikuskizuna, Uztapide/Urtxale plazan.
- 14:00etan: Bertso bazkari mundiala, Maialen Lujanbio eta Aitor Mendiluzerekin. “Bazkaltzera etortzerik ez baduzu ere etor zaitez lasai ondorengo bertso saiora!”. Txartelak Tolaren daude salgai.
- 16:00etatik 19:00etara: Katuxulo rokodromoaren ate irekiak, Pagoa industriagunean.
- 19:00etan: Danborrada, Pakitik hasita, auzoko txokoetan zehar. Ondoren, ogitarteko goxoak jateko aukera Auzokalten.
- 22:30ean: Luix Mitxelenaren bakarrizketa.
- Ondoren: Zezen suzkoa, Auzokalte inguruan, Skapaie elektrotxarangak lagunduta. Jarraian, musikadun txosna.
Hilak 16, igandea
- 11:00etan: Pilota partidak frontoian, haur, gazte zein helduen parte hartzearekin.
- 14:00etan: Auzo bazkaria, Auzokalte elkartean. Sarrerak Tolaren daude salgai.
- 16:00etan: Haurrentzako jolasak eta eskulan tailerrak, Auzokalte elkartean.
- 17:00etan: Zapotxin pailazoaren emanaldia. Ondoren, txokolate-jatea.
- 18:30ean: Eraitsi SL antzezlana, Auzokalten. Euria egingo balu, Elizaldeko frontoian.
- 20:00etan: Azken suziria, festak bukatzeko, Auzokalte elkartearen inguruan.