Hurrengo alkateordetzak, bihar eta hilaren 19an
Bihar Antxo, Donibane eta Trintxerperko alkateordeekin biltzeko aukera izango da, sanpedrotarren ordezkariak ezingo baitu biharko hitzordura joan. Hilaren 19an ohiko moduan egingo dute.
Pasaiako Udalak datozen alkateordetzen berri eman du. Bihar (hilak 5) izango da Antxo, Donibane eta Trintxerpeko alkateordeekin aurrez aurreko arreta jasotzeko lehen eguna, sanpedrotarren ordezkariak ezingo baitu hitzordurik eman. Hala, beste hiruak (Aintzane Taberna Ezkurra Donibanen, Mikel Garcia Peñil Antxon eta Iraitz Pazos Lapido Trintxerpen) dagokien barrutiko egoitzan izango dira bihar, ateak zabalik.
Hurrengo hitzordua hilaren 19an (asteazkena da) izango da, 18:00etatik 19:30era. Hilaren 19an bai, lau alkateordeak izango dira euren bulegoetan.
Aldez aurretiko hitzordurik gabe bertaratu daitekeela gogorarazi dute udaleko iturriek, baina mezu elektroniko bat bidaltzeko eskatu dute alkateordeek, “aztertu nahi den gaia eta hitzordura joateko gutxi gorabeherako ordua aipatuz”.
Honela jar daitezke harremanetan herritarrak haiekin:
- Donibane (Arizabalgo jauregia, Donibane kalea, 19): 943 00 43 44 telefono zenbakira deitu edo helbide honetara idatzi.
- San Pedro (San Pedroko alkateordetza, herriko plaza, 3): 943 39 93 48 telefono zenbakira deitu edo helbide honetara idatzi.
- Trintxerpe (Trintxerpeko alkateordetza, Euskadi etorbidea, z/g): 943 00 43 04 telefono zenbakira deitu edo helbide honetara idatzi.
- Antxo (Anbulatorio zaharrean, Oarso kalea, 12): 943 24 85 10 telefono zenbakira deitu edo helbide honetara idatzi.
