Herri Musika Eskolan matrikulatzeko epea irekita dago
Zortzi ikastaro prestatu dituzte 2024/25 ikasturterako. Hilaren 30ean izango da izena emateko azkeneko eguna.
Herri Musika Eskolak jakinarazi duenez, 2024/25 ikasturtean izena emateko epea irekita dago. Hilaren 30era arte egin daiteke datorren ikasturterako matrikulazioa. 2024 irailaren 16an hasiko da ikasturtea, datorren urteko ekainaren 13ra arte.
Izena emateko 943 493 578 telefonora dei daiteke, edo haiekin e-posta bidez harremanetan jarri. Honako ikastaroek osatuko dute Herri Musikaren Txokoaren eskaintza:
- Alboka eta alboka taldea: asteazken eta ostegunetan, 15:00etatik 21:00etara.
- Biolina eta biolin taldea: asteartetan 12:00etatik 20:00etara, eta ostegunetan, 16:00etatik 20:00etara.
- Txistu eta danbolina: ostiraletan, 16:00etatik 20:00etara.
- Xirolarrua eta xirolarru taldea: asteazkenetan, 16:00etatik 20:00etara.
- Dultzaina eta kamera taldeak: asteazken eta ostegunetan, 16:00etatik 19:00etara.
- Txalaparta: ostegunetan, 17:00etatik 21:00etara.
- Danborra, kanabera, txaramelak eta bestelako perkusio instrumentuak: astelehenetan, 17:00etatik 20:00etara.
- Musika lengoaia: asteazken eta ostegunetan, 15:00etatik 21:00etara.
Ordainagirian ordainketa nork egin duen eta zein soinu-tresna edo gaia aukeratu duen azaldu behar du. Matrikula lau zatitan (urria, azaroa, abendua eta urtarrila) ordaindu nahi bada Soinueneari jakinarazi.
Izena emateko galdetegia hemen aurki daiteke, baita informazioa gehiago ere.
