Antxin Ezkerro Memorialeko finalak larunbatean jokatuko dituzte
17 urte azpikoek eta neska seniorrek paleta larruz jokatuko dute; mutil seniorrek, aldiz, pala motzez. 09:00etan hasiko dira partidak.
Hilaren 8an jokatu zituzten Antxin Ezkerro Memorialeko lehen partidak, eta larunbat honetan amaituko da aurtengo txapelketa. Orotara, hiru kategoriatako partidak izango dira Madalensoron:
- 17 urte azpikoak paleta larruz: Landetako Léo Etchessahar, Bearnoko Louison Chauvin eta Zumaiako Joel Martin eta Aritz Garikanok finalerdietako ligaxka jokatuko dute larunbatean, 09:00etan. Lehen bi sailkatuek 16:00etan jokatuko dute finala.
- Neska seniorrak paleta larruz: Haizea Salanueva gasteiztarrak eta Amaia Irazustabarrena hernaniarrak jokatuko dute finala gazteenen finalaren ondoren.
- Mutil seniorrak pala motzez: Batetik, Julien Vigeonek (Landak) eta Ignacio Escalak (Iruña) eta bestetik Baptiste Etcheverriak (Eskiula) eta Jon Zumetak (Usurbil) jokatuko dituzte finalerdiak 12:00etan. Final hau neska seniorren finalaren ondoren izango da.
