Itsastarrak, Txamantxoia eta Auñamendi garaitzeko prest
Pasaiako mendizaleak Aragoiko Pirinioetara joango dira asteburu honetan. Larunbatean abiatuko da autobusa Trintxerpetik.
Auñamendi mendia. Itsastarrak Mendi Taldeak asteburu osoko irteera antolatu du asteburu honetarako. Aragoiko Pirinioetara joango dira mendizaleak, Txamantxoia eta Auñamendi mendiak garaitzeko asmoz. Larunbatean (hilak 15) abiatuko da autobusa Trintxerpeko kaitik (6:30ean). Bazkideek 85 edo 90 euro ordaindu beharko dituzte, eta ez bazkideek berriz, 90 edo 95 (federatuek 5 euro gutxiago ordaindu beharko dituzte).
Larunbatean (hilak 15), Trintxerpetik Lizako aterpera abiatuko da zuzenean autobusa eta iritsi bezain laster Txamantxoia (1.941 metro) igotzeko txangoa egingo dute. Lizako aterpetik abiatuko dira, basoan gora, tontorrera iritsi arte. Jaitsiera erosoa izango da Asolezeko kanpineraino, eta bertan bazkaria egingo dute. 9,5 kilometroko txangoa izango da, 711 metroko desnibelarekin. 4 ordu eta erdi inguruko iraupena izango duela aurreikusi dute.
Igandean (hilak 16) Pierre San Martinetik abiatuko dira mendizaleak. Txango moderatua izango dela nabarmendu dute taldekoek, “ez zaila”. Orotara, 15 kilometroko bidea egingo dute, 788 metroko desnibelarekin. 6 ordu eta erdi inguruko iraupena izango du.
Larunbateko gaua Belaguako aterpean pasako dute. Lo zakua eta toalla eraman behar dela gogorarazi dute Itsastarrak-ekoek. Edozein zalantza argitzeko, 646 00 27 70 telefono zenbakira hots egin daiteke. Izena emateko, berriz, lotura honetara jo beharko da, bertan dagoen formularioa betez. Igandeko txangoaren ondoren itzuliko dira zuzenean mendizaleak.
