Lehen 'Tardeo DRAG'-a egingo dute Eureka Dance-en eskutik
GaraziFantasy, Anakoz22, LadyDragma, BoombayStar, Acida Liss eta Eureka Dance-eko ikasleak izango dira protagonista.
GaraziFantasy artxiboko irudi batean. Eureka Dance-ek inoiz egin ez duen ekitaldi bat antolatu du: Tardeo DRAG. Uztailaren 13an izango da, 18:00etan, Niessen Kulturgunean.
Ekitaldi horretan GaraziFantasy, Anakoz22, LadyDragma eta BoombayStar izango dira protaginsta, baina gonbidatu berezi bat ere izango dutela aurreratu dute: Acida Liss. Valladolidetik (Espainia) etorriko da Errenteriara Acida Liss, eta zuzenean hainbat kopla eta buleria abestuko ditu.
Emanaldia hasi baino ordubete lehenago, gainera, musika entzuteko eta dantzatzeko aukera izango da. Gero, ekitaldi nagusiari hasiera elkarrekin egingo duten emanaldi batek emango dio, eta, gero, Drag bakoitzak bere emanaldia eskainiko du Eureka Dance eskolako ikasleen laguntzarekin.
“Ikuskizun hau Harrotasunaren Astea baino egun batzuk geroago izango da, eta oso une egokia iruditzen zaigu errespetu eta errekonozimendu guztia merezi duen arte honi omenaldia egiteko”, diote antolatzaileek.
Sarrerak salgai daude Eureka Dance eskolaren harreran, 12 euroan, eta emanaldia aulkitik edo pistatik ikusi aukeratu ahal izango da sarrerak eskuratzeko unean. Antolatzaileen azpimarratu dute publiko guztientzat dela emanaldia.
