Natur poteoa antolatu dute iganderako
Fanderiako Errota Ibaiaren Etxeak antolatu du jarduera. Izena eman behar da aurretik, parte hartzeko.
Fanderiako errota osorik berritu bitartean, beheko solairuan interpretazio zentro bat ireki berri dute: Fanderiako Errota, Ibaiaren Etxea. Natur poteoa antolatu du Fanderiako Errota-Ibaiaren Etxeak igandean, hilak 16. Fanderia inguruko bioaniztasunari lotutako gaiak giro informalean jorratuko dituzte jardueraren barruan bertaratzen direnek, faunan aditua den Aranzadi Zientzia Elkarteko kide batekin.
Hitzaldiaren ondoren, Fanderiatik gertu dauden putzuak bertatik beratara ezagutzeko ibilbide motza egingo dute, eta ondoren pintxo potea.
Jarduera 11::00etan hasi eta 13:00etan bukatuko da, eta Fanderiako Errotan elkartuko dira.
Informazio gehiago eskatu edo izena emateko, Oarsoaldeko Turismo bulegoaren postara (egin klik hemen) edo Fanderiako errota kudeatzen duen taldearen posta elektronikora (egin klik hemen) mezua bidali behar da; telefono zenbaki hauetara deituta ere egin daiteke: 943 49 45 21 edo 690 72 02 64.
