Plaza plazerez beteko du Kabaret Orgasmikoak, hilaren 21ean
Oiartzungo Gazte Sortzaileek kabaret emanaldia antolatu dute hurrengo ostiralerako. Sarrerak salgai daude.
Oiartzungo Gazte Sortzaileek (Orgasmok) plana proposatu du hilaren 21eko arratserako: Kabaret Orgasmikoa antolatu du. Helburua plaza plazerez betetzea izango da. Emanaldia 21:33an [sic] hasiko da, Landetxeko auditorioan. Txartelak udalaren sarreren webgunean eros daitezke, 8 euroan. Afaria prezio barnean sartuko dela iragarri du Orgasmok.
Kabaretean honako gazte sortzaileek hartuko dute parte: Julen Castillo; Olatz Iragorri; Ibai Zarketa; Malen Etxebeste; Leire Mendizabal; Auritz Jauregi; Olaia Sorondo; Oihan Aristizabal; Joana Mendizabal; Lohizune Telletxea; eta Aitor Zorzano.
Premisa
Plaza. Plaza hartu. Plazera. Plazera hartu, plazerez alaitu. Plazera bilatu, plazera arnastu, plazera asmatu, plazera sentitu, plazera aditu, entenditu, harrapatu, izkiriatu… Plaza plazerez blaitu. Hau ez da kabaret huts bat izango, Kabaret Orgasmiko bat izango da. Plazerez betetako plaza bat.
Ez galdu plazerez blaitzeko aukera!
