Zinegoak-en parte hartu duten filmak, hilaren 20an
Bizkaiko hiriburuko LGTBIQ+ zinema jaialdiaren 21. ekitaldian emango dituzten sei film proiektatuko dituzte Landetxen.
Jone Arriolaren 'Dena asmatuta dago' filmaren fotograma. Hilaren 24tik uztailaren 1era egingo dute, Bizkaiko hiriburuan, Zinegoak zinema eta arte eszenikoen jaialdiaren 21. ekitaldia. LGTBIQ+ edukia duten film laburrak eskaintzen dituzte bertan. Hala ere, horietako batzuk ikusteko ez da haraino joan beharko.
ZG Hedapena izeneko dinamika du zinema jaialdiak: Bilbon emango dituzten filmetako batzuk herrietara hurbilaraztea da haien helburua. Izan ere, zinema jaialdiaren antolatzaileen arabera, film laburrak eta dokumentalak iristea “zailagoa” da.
Oiartzun izango da hautatutako sei film laburrak proiektatuko dituzten Hego Euskal Herriko udalerrietako bat. Datorren ostegunean, hilak 20, dozena erdi film ikusteko aukera izango da Landetxen, 19:30etik aurrera. Txartelak udalaren sarreren webgunean eskura litezke.
Programazioa
Mating
- Zuz / Dir: Shuyao Chen
Txina, AEB / 2023 / 15 min / Fik J.B. txineraz, azpitituluak euskaraz eta gaztelaniaz.- Sinopsia: Manting, 60 urteko txinatar emakume bat, nerabezaroko maitale batekin elkartu da, beren ikaskide ohi bat hil ondoren. Karaoke batean egon eta gero, elkarrekin emango dute gau guztia, hirian barrena hara eta hona.
Precoz
Zuz / Dir: Alejandro Aguirre
Euskadi / 2023 / 15 min / Fik J.B. gaztelaniaz, azpitituluak euskaraz.
Sinopsia: Mikelek jakin du berarekin sexu-harremanak izan dituen pertsona batek positibo eman duela GIB proban. Beldurtuta eta informazio gutxirekin, arratsalde batez aurre egin beharko dio kutsatuta egoteko aukerari.
Dena asmatuta dago
- Zuz / Dir: Jone Arriola
Euskadi / 2023 / 14 min / Fik J.B. euskaraz, azpitituluak gaztelaniaz.- Sinopsia: Antigoaleko estetika daukan bainugela arrosa bat. Bainugelaren erdian, bainuontzi batean, bi gazte erlaxatzen ari dira, porru bat erretzen duten bitartean.
Flores de otro patio
- Zuz / Dir: Jorge Cadena
Suitza, Kolonbia / 2022 / 15 min / Fik J.B. gaztelaniaz, azpitituluak euskaraz.- Sinopsia: Kolonbiako Kariben, queer aktibisten talde batek arau heteropatriarkalei aurre egingo die. Bien bitartean, beste kausa batzuetan inplikatuko dira, beren eskualdean sufritzen dituzten bidegabekeria sozialak kolektiboki salatzeko.
Analog Z Love
- Zuz / Dir: Alicia Arwgar
Espainia / 2023 / 3 min / Fik /
J.B. ingelesez, azpitituluak euskaraz eta gaztelaniaz.- Sinopsia: Neska batek audio batean kontatzen du nola ezagutu zuen beste neska bat autobus-geraleku batean. Nola hasten da ezezagun bat zure arretagune nagusia izaten?
La tentación de Panda Roux
- Zuz / Dir: Haiga Jappain
Frantzia / 2023 / 20 min / Fik J.B. frantsesez, azpitituluak euskaraz eta gaztelaniaz.- Sinopsia: Annak 35 urte ditu, eta maitasun-istorio idiliko bat bizitzen ari da Marierekin. Menopausia goiztiarra daukala jakiten duenean, erlojupeko lasterketa bati ekingo dio haurdun geratzeko.
