Etxeak alokatzen iruzur egin duen gizon bat atxilotu dute Pasaian
Etxeak erreserbatzeko dirua eskatu eta desagertu egiten zen alokairu faltsuen proposatzailea, eta guztira 4.000 euro irabazi ditu horrela. Asteartean atxilotu zuen egilea Ertzaintzak.
Internet bidez etxebizitza faltsuak alokatzen zituen gizon bat atxilotu zuen asteartean Ertzaintzak Pasaian. Biktimei ordainketa aurreratuak eskatzen zizkien erreserba egiteko, eta gero desagertu egiten zela azaldu dute. Pasaian atxilotu badute ere, Euskal Autonomia Erkidegoko hainbat lekutan egin ditu iruzurrak. Guztira 4.000 euro inguruko irabaziak izan ditu.
Ertzaintzak azaldu du ikerketa kaltetuek Ertzaintzan aurkeztutako hainbat salaketaren ondorioz hasi zutela, eta egiletza pertsona berarena izan zitekeela egiaztatu ahal izan zutela. Iruzurgileak pisuak prezio merkean alokatzeko iragarkiak argitaratzen zituen, Interneten espezializatutako plataforma erakargarrietan. Era horretan, biktima iragarkia jartzen zuenarekin harremanetan jartzen zen, eta ondoren, etxebizitza erreserbatzeko seinale bat eskatzen zien.
Behin ordainketa hori eginda, biktimak ez zuen berririk alokatzeko asmoa zuenarena. Halaber, iruzurgilearekin berriro harremanetan jartzea ezinezkoa bilakatzen zen. Identifikatzea zailtzeko, alokairu faltsuek egileak telefono linea bat kontratatuta zuen hirugarren pertsona baten izenean, azken honek horren berririk izan gabe.
Iruzurren biktima izan daitezkeen pertsonei edozein ertzain-etxetara joateko eskatu die Ertzaintzak, gertatutakoa salatzeko.
