'Feminismoa eta (in)justizia' hitzaldia, Onintza Ostolazaren eskutik, asteazkenean
Killirikupek eta mugimendu feministak antolatu dute, hilaren 19rako. Epaitegiekin lotura duten hainbat gai izango ditu hizpide abokatuak.
Onintza Ostolaza abokatua. Killirikupe Oiartzungo emakumeak ahalduntzeko taldeak eta Oiartzungo Feministen Asanbladak, elkarlanean, hitzaldia antolatu dute datorren asteazkenerako, hilak 19. Onintza Ostolaza abokatu oiartzuarra gonbidatuko dute. Feminismoa eta (in)justizia izena izango du solasaldiak. Udaletxeko pleno aretoan izango da ekitaldia, 18:30ean hasita.
Ostolazak hainbat gai izango ditu hizpide, eta epaitegi eta legeekin zerikusia izango dute, betiere. Besteak beste, honako gaiak izango ditu hizpide. Besteak beste Soilik bai da bai izenarekin ezagutzen den legeari buruz arituko da.
Justizia errestauratiboaz ere arituko da. Fokua delitua jasan behar izan duenean jartzen da kontzeptu horren arabera, eta askotan komunitatea bera sartzen arazoaren konponketan.
Beste hainbat auzi mediatikori berez hitz egingo du Ostolazak: La Manada, Dani Alves, Kote Cabezudo…
