Esku huskako Herriartekoaren finala hurbilxeago dute oiartzuarrek
Finalerdietako joaneko partidetan 2-1 nagusitu dira oiartzuarrak, eta Beasainen erabakiko da kanporaketa. Oiarpekoek, bi txapeldunorde.
Oiartzuarrak, iazko finalean, herrikideak animatzen [Arg.: Gipuzkoako Pilota Federazioa]. Atzo arratsaldean jokatu zituzten Madalensoron esku huskako Herriarteko txapelketako joaneko partidak. Oiartzunek Beasainen kontra neurtu zituen indarrak, eta balantzea egiterakoan, emaitza oso ona lortu zuten oiartzuarrek.
Kadete eta jubeniletako partidak aisa irabazi zituzten herria ordezkatzen duten Oiarpeko pilotariek. Gazteenek —A. Etxeberria eta Zelaiaranek— tanto bakarrean utzi zituzten arerioak, eta O. Etxeberria eta Leonet jubenilek 22-8 irabazi zuten. Nagusien partidan, Zabaleta eta Zalakain oiartzuarrek galdu egin zuten (7-22). Datorren asteburuan, beraz, Beasainen erabakiko da guztia. Oiartzuarrak abantailarekin joango dira: 2-1, eta hogei tantoko abantaila.
Beste finalerdian, esan daiteke Zaldibia izango dela, ia ziur, finalista. Bergararrei hiru partidak irabazi zizkieten goierritarrek, eta Bergarako finaler
Bi txapeldunorde
Oiarperen gainontzeko partidei dagokienez, klubeko pilotariek bi final zituzten asteburuan. Andoainen, Gipuzkoako lau t’erdiko txapelketako finalean aritu da Oiarpeko Oiartzabal, Gaztelekuko Bidezabalen kontra. Oiartzuarra hamalau tantotan geratu zen, eta ezin izan zuen txapelik jantzi.
Gasteizen jokatu zuten beste finala, Zaramagako Txapelketako binakakoan, Gazte Mailan. A. Etxeberria oiartzuarrak Oses hernaniarrarekin osatu du bikotea, eta finalaren markagailua nahiko estua izan zen, arerioen alde: 22-19.
Bestalde, Haur Mailan, Galardik Gipuzkoako Banakako Txapelketako finalera iristea lortu zuen.
-
- Oiartzabal, larunbatean, Andoainen.
-
- A. Etxeberria, beltzez, Osesekin batera, Gasteizen.
