Pasaiako Emakume Sortzaileen bigarren azoka egingo dute
11:00etan hasiko da azoka Biteri plazan. 13:00etan Martxoaren 8an, Emakumeen Nazioarteko Egunean, idatzitako gutunen irakurketa izango da.
Pasaiako Emakume Sortzaileen II. Azoka egingo dute larunbatean. Bekoz Beko elkartearen jardueretan parte hartzen duten emakume artisau eta sortzaileek egindako lanen erakusketa da azoka hori; Bekoz Beko elkartearen helburuak emakumeak ikusaraztea eta emakumeen talentuari lekua, presentzia eta indarra ematea dira.
Azokaren bigarren edizio honetan, besteak beste, joskintzan, eskulanetan, kakorratzean, collage-teknikan eta diseinuan bezalako diziplinetan aritzen diren emakumeen lanak izango dira ikusgai. Joskintza tailerrean aritzen diren emakumeez gain, emakume hauek hartuko dute parte azokan:
- Maribi Anton
- Idurre Elosegi
- Emi Pazos
- Cristina Agirrebeña
- Sara Sanchez
- Carmen Alba
- Aurora Agirre
- Sofia Herbon
Azoka hau ez da erakusketa hutsa izango, parte hartzaileetako bik tailerrak emango baitituzte: Maribi Antonek lore prentsatuen tailerra emango du, eta, Sara Sanchezez, berriz, haurrentzako eskulan tailerra gidatuko du.
Emakume Sortzaileen II. Azoka ekainaren 22an izango da, 11:00etatik 14:00etara Biteri plazan (Pasai Antxo). 13:00etan Martxoaren 8an Emakumeen Nazioarteko Egunean idatzitako gutunen irakurketa izango da.
