Uztailean ere ez da txistu doinurik faltako
Kaputxinoak, Fanderia, Gabierrota eta Lartzabalen diana egingo dute, baita San Inazio Eguneko diana berezia ere. Madalenetan hainbat hitzordu izango dituzte.
![Errenteriako Udal Txistulariak](https://oarsoaldea.hitza.eus/site/files/2024/05/img_5882-e1714641127552.png)
Udal Txistulari Taldeak ez du hutsik egingo uztailean ere, eta madalenetako hitzorduez gain, hiru diana izango ditu, horietako bat berezia. Lehen hitzordua, uztailaren 7an izango daKaputxinoetan. 09:00etan hasita auzoan barrena ibiliko dira.
Bigarren zita, uztailaren 14an izango da, Fanderia, Gabierrota eta Lartzabal auzoetan, 09:00etan hasita. Uztailaren 31n, berriz San Inazio Eguneko diana berezia egingo du txistulari taldeak, 09:30ean hasi eta 11:00ak arte. Erdiguneko kaleetan barrena ibiliko dira eta geldialdietan, Jose Ignacio Ansorenak moldatutako San Ignazio martxa joko dute.