Festen lekukoa hartzeko prest dira sanpedrotarrak
Ostegunean botako dute sanpedroei ongi etorria emango dien suziria. Jose Inazio Muruak botako du aurtengoa.
Aurreko asteburuan motorrak ongi berotu ondoren, aste honetan festak jarraituko du San Pedron, nola gainera. Sanpedroak hemen baitira, ostegunean (hilak 27) hasiko dituzte barrutiko jaiak ofizialki. Igandera bitarte, azken egunetan bezalaxe, gozatzeko hamaika modu izango dira, etxeko txikienek zein helduenek zeregin gozatu eta ospatu izango dute. Barrutiko eragile eta elkarteek beste urte batez egitarau oparoa ondu dute, jaiak behar bezala ospatzeko.
Ostegunean hasiko badira ere, gaur eta bihar ere jaien barruko ekintzak izango dira. Gaur, 20:00etan, festetako pregoia egingo dute, eta Habaneren kontzertua izango da elizan. Bihar berriz, 17:00etatik aurrera, haurren frontenis finala jokatuko da, 6-16 urte bitartekoena.
Jai Batzordeak gogorarazi du aurtengo kamiseta iazko bera izango dela, eta hortaz, hura janztera deitu du, edo bestela, iazko hori erostera. Beheko koadroan egitarau osoa kontsulta daiteke, eta lotura honetan informazio gehiago kontsulta daiteke:
Hilak 27, osteguna:
- 17:00: Haurren merienda portuko etxeetan.
- 17:30: Erraldoiak eta buruhandiak frontoian.
- 18:00: Futbito txapelketako finala.
- 19:00: Saskibaloiko 3×3 finala (16 urtetik gorakoena).
- 19:00: Haur danborrada portuko etxeetatik (4-16 urte bitarte).
- 20:00: Txupinazoa Jose Inazio Muruaren eskutik, eta LGTBIQ+ banderaren igoera.
- 22:00: Helduen danborradak: batzuk Gatzagatik, besteak elizatik.
- 00:00: Danborradak Herriko Plazan elkartuko dira.
- 00:00: Javi DJ portuko oholtzan ariko da.
Hilak 28, ostirala:
- 11:00: Tratu onaren aldeko haur lasterketa, udaleko Eskubidean planaren barrukoa.
- 12:00: Bustiña-Eskama partida frontoian. Jarraian, haurren bazkaria Txokon.
- 15:30-18:30: Tirolina eta yumarra PRoisako estalkian.
- 16:30: Piratakada frontoian (11 urtetik gora).
- 19:30: Toka, bote eta igel txapelketak jubilatuen eskutik Boteron.
- 19:30: Goazen Nait.
- 23:00: Astelehen Goizak taldearen kontzertua.
- 00:30: Delirium Tremens taldearen kontzertua. Ondoren, DJ Ima eta DJ Porrus.
Hilak 29, larunbata:
- 10:00: Diana txistulariekin.
- 11:00: Meza: Licinio Refice. Elizaren 250. urteurreneko meza nagusia egingo dute.
- 11:00: Nesken pala-goma txapelketa frontoian.
- 12:00: Inudeak eta Artzainak (haurrak).
- 18:30: Musika ibiltaria.
- 17:30: Jolasak arraun elkartean.
- 20:30: Haur afari herrikoia.
- 21:00: Afari herrikoia. Postrean, Kantuz saioa egingo dute.
- 23:30: Rockalean. Jarraian, DJ Esam eta DJ Hodi, eta Garimbo.
Hilak 30, igandea:
- 10:00: Porrusalda txaranga. Zuri-gorriz janzteko deialdia egin dute.
- 12:00: Inudeak eta Artzainak (helduak). Ondoren, Vermutekea egingo dute Boteron.
- 17:00: Jolasak, merienda eta diskofesta haurrentzako frontoian.
- 17:30: Esku pilota finala (bigarren mailakoa).
- 18:30: Esku pilota finala (lehenengo mailakoa). Ondoren, Modestorekin dantzaldia egingo dute.
- 20:00: Bokata txapelketa frontoian.
- 23:00: Zezensuzkoa.
