Eusko Tren Ligako lehena Coruñan lehiatuko dute Hibaikako emakumeek
Asteburuan hitzordu bikoitza, Hibaikako emakumeen tripulazioak: Larunbatean Coruñan (Galizia) hasiko dute liga, eta igandean Pontevedran (Galizia) ariko dira.
Hibaikako emakume arraunlariak eta Iñaki Mendizabal entrenatzailea, traineruen aurkezpenean. Eusko Tren Ligak larunbatean hasiko du denboraldia, Coruñan (Galizia) eta bertan izango da, lehian, Hibaikako emakumeen ontzia. Arratsaldean dute zita, 17:25ean hasiko da VII Bandeira Cidade da Coruña estropada. Asteburuan hitzordu bikoitza izango dute Eusko Tren Ligan ari diren ontziak. Igandean, goizez jokatuko dute Bandera Femenina Concello de Bueun. 11:25ean hasita, Bueun (Pontevedra, Galizia).
Iñaki Mendizabal Hibaikako emakumeen entrenatzaileak “itxaropena” hitza erabili zuen bere mintzaldian, Hibaikak hilabete honen hasieran egindako senior bi eskifaien aurkezpen ekitaldian. Hala aurreikusten due denboraldia emakumeen traineruan, “denboraldia hastear da, eta oso ondo prestatu da taldea. Itxaropentsu gaude, beraz, gure helburuak lortzeko. Badakigu ez dugula erraza izango baina hortxe izango gara lehian”.
Taldearekin sinistuta Mendizabal, larunbatean izango dute Errenteria-Oreretako arraunlariek Eusko Tren Liga barruko lehen erakustaldia egiteko aukera.
Bertaratu ezin dutenek, zuzenean estropadak jarraitzeko aukera izango dute. Horretarako egin klik hemen.
Eusko Tren Ligaren gaineko informazioa, hemen kontsulta daiteke.
Hibaikako Emakume arraunlariak
- Ane Aiestaran
- Paula Amutxastegi
- Leire Arrojeria
- Eva Lopez
- June Mikeo
- Eva Maria Macia
- Sofia Boscarol
- Paula Corcoles
- Nerea Curto (Patroia)
- Nerea Orena
- Maddi Retegi (Patroia)
- Uxue Rodriguez
- Nerea Deobarro
- June Galardi
- Amaiur Garcia
- Elene Telletxea
- Nora Urbe
- Maddi Iriarte
- Iñaki Mendizabal entrenatzailea
