Altzate eta Iztieta arteko zubiaren karga proba egiten ari dira
Zamalanerako sei kamioi jarri dituzte zubi gainean, erresistentzia probatzeko.
Altzate eta Iztieta lotzen dituen zubi berrian karga probak egin dituzte. Maiatzaren 31n jarri zuten Altzate eta Iztieta elkartu dituen zubia. Ikusmin handia sortu zuten egitura handia jartzeko lanak. Ia hilabete geroago, zubiari azterlana egin diote. Zehazki, karga proba egiten ari dira goizean zehar dena egoki doala eta haren erresistentzia probatzeko.
Pixkanaka egin dute karga proba hori. Zamalanerako bi kamioi jarri dituzte lehenik zubiaren puntu ezberdinetan, eta azkenean, zamalanerako sei kamioi erabili dituzte erresistentzia probatzeko, hainbat neurketa egiten zituzten bitartean.
Zubi berriak ez du oinarririk uretan, eta ez du beraz oztopo hidraulikorik eragingo. Garrantzitsua oso kontu hori, Iztieta-Ondartxoko Mataderoan egoitza duen Hibaika Arraun Elkartearentzat; elkartearen arraunlariek Oiartzun ibaia baitute entrenamenduetarako zein lehietarako eremu.
Iztieta auzotik ibilgailuen irteera izango da zubi berria, baina oinezkoentzako pasabidea ere Altzate eta Iztietaren lotune. Zubiaren bi aldeetara jarritako pasabide irtenak izango dira oinezkoentzako bideak.
