Urbanoaren erritmora dantzatu da Lekuona Fabrika
U-Battle dantza ekitaldia egiten ari dira Errenteria-Oreretako Lekuona Fabrikan, eta horren barruan mota ezberdinetako dantza urbanoak ikusteko aukera izaten ari dira bertaratu direnek.
Lehiakideetako bat dantzan Lekuona Fabrikan arratsaldean. U-Battle dantza ekitaldia egiten ari dira Errenteria-Oreretako Lekuona Fabrikan, eta horren barruan mota ezberdinetako dantza urbanoak ikusteko aukera izaten ari dira bertaratu direnek. Popping, hip-hop, waacking, beaking, edo house dance estiloak dantzatzen ari dira. Atzo tailerrak egi zituzten eta gaur berriz, egun osoz, U-Battle txapelketa egiten ari dira; 21:30ean bukatuko da.
Lehiatzen ari diren kategoriak berriz hiru dira, Hip Hop, Popping eta Allstyle.
Txapelketan 30 lagun ari dira lehiatzen, Euskal herritik heldutakoak asko, baina baita Valentzia (Herrialde Katalanak), Madril (Espainia), Bartzelona (Katalunia), Niza (Frantzia), edota Bordele (Okzitania). Hirugarren ekitaldia du honakoak, U-Battle txapelketak eta pozik dira antolatzaileak erantzunarekin. Hala adierazi du Maialen Mendes Hip Hop Lab elkarteko kide eta Unite proiektuko ordezkariak: “gero eta ospe gehiago hartzen ari da lehiaketa eta hori oso pozgarria da guretzako eta giroa ere oso atsegina da, familia txiki modukoa delako hau”.
Hip Hop modalitatea goizean egin dute eta Iban Montero iruindarra izan da irabazlea. Popping eta Allstyle kategoriak arratsaldean jokatzen ari dira.
Nabarmen jarri du Mendesek bestalde, emakume kopurua, “erdia baino gehiago emakumeak dira, eta hori oso positiboa da, hori ere sustatu nahi dugulako eta emakumeen parte hartzea dantza urbanoan zein presentzia areagotu”.
