Igogailuaz eta mugikortasunaz hitz egiteko bilera berezia Igantzin
Asteazkenean, hilak 3, izango da bilera 18:00etan Igantziko auzo elkartean. Aizpea Otaegi alkatea, Eneko del Amo, Bernar Lemos eta Yolanda Martin zinegotziek hartuko dute parte.
Bihar hasiko dira Igantzin jaiak. Auzo batzar berezia egingo du udalak Igantzi auzoan asteazkenean, hilak 3, bertan eraiko den igogailuaz eta auzoaren mugikortasunaz hitz egiteko. Igogailu hori eraikitzea 2023-2027 Agintaldi Planean jasota dago, eta udal ordezkariek joan den otsailaren 16an egin zen auzo batzarrean aurkeztu zieten bizilagunei proiektua. Batzar horretan, Igantziko bizilagunek prroiektuaren inguruko iritziak eta kezkak partekatu zituzten alkatearekin eta zinegotziekin. Hori aintzat hartuta, batzar monografikoa antolatu du gobernu taldeak.
Herritarrekin batera, igogailuaren kokapena landuko dute udal arduradunek.
Bilera asteazkenean izango da, 18:00etan Igantziko auzo elkartearen egoitzan. Aizpea Otaegi alkatearekin ba tera izango dira Eneko del Amo, Bernar Lemos eta Yolanda Martin zinegotziak. Parte hartzera deitu ditu udalak bizilagun guztiak.
