Agustinak Zentroak eta Euskal Diseinuaren Elkarteak lankidetza hitzarmena sinatu dute
Hitzarmenaren helburua, diseinuaren sektorea profesionalizatu eta lehiakortasuna hobetu nahi dute, bide horretan Agustinak Zentroak eskaintzen dituen baliabideak erabilita.
Esti Susperregi Agustinak Zentroko zuzendari, Angelica Barco EIDEko lehendakaria, eta Aizpea Otaegi Oarsoaldea Garapen Agentziaren presidentea hitzarmena sinatuta. Argazkia: Herri Bizia Agustinak Zentroak kultura eta sormen industrietako eragile estrategikoekin lankidetza harremanak sendotzen jarraitzen du. Ekainaren hasieran Dantzaz elkartearekin lankidetza hitzarmena egin bazuen, orain EIDE Euskal Diseinuaren Elkartearekin sinatu du. Aizpea Otaegi Mitxelena Oarsoaldea Garapen Agentziaren presidenteak eta Angelica Barco Fernandez EIDEren lehendakariak sinatu dute akordioa, eta horren bidez diseinuaren sektorea profesionalizatu eta lehiakortasuna hobetu nahi dute, bide horretan Agustinak Zentroak eskaintzen dituen baliabideak erabilita.
Enplegua eta ekintzailetza sustatzeko ekintzak zabaldu nahi dituzte hitzarmenaren bidez diseinuaren esparruan, Oarsoaldeari eta Gipuzkoako ehunari balioa emateko. Lankidetzaren barruan hainbat jarduera egingo dituzte Agustinak Zentroan horretarako 2024an eta 2025ean, EIDEko bazkideen topaketa profesionalak egiteko eta zirkulartasunaren arteko harremana indartzeko. Horrekin batera, hainbat profesionalen arteko harremanak eta trukeak sustatuko dira, Aditu DEsign bezalako ekitaldiak barne. Topaketa horiek proiektuak praktikatzera, kontaktu sarea zabaltzera eta in company diseinatzaileei beren enpresetan berrikuntza eragile bihurtzen lagunduko dieten tresnak eta edukiak ematera bideratuak dira. Oarsoaldeko enpresekiko harremana eta topaketa ere sustatuko dira, halaber.
Hitzarmena “urrats garrantzitsutzat” jo dute, “diseinuaren sektorea profesionalizatzeko eta kultura eta sormen ekosistema indartzeko bidean”. Elkarlanerako konpromisoa hartu dute bi erakundeek, ekintzailetza, berrikuntza eta lehiakortasuna hobetuko duen ingurunea sortzeko, eskualdearen eta lurraldearen garapen sozioekonomikoari laguntzeko.
Irabazi asmorik gabeko elkarte profesionala da EIDE. 1986an sortua Hego Euskal Herriko diseinu industrialaren, produktuaren, grafikoaren, digitalaren, espazioen, zerbitzuen eta diseinu estrategikoaren arloko profesionalak eta enpresak biltzen ditu. Diseinua sustatzea du helburu behinena, enpresen berrikuntza eta lehiakortasunerako faktore estrategiko gisa, baita Hego Euskal Herriko diseinuaren esparruan nazioarteko erreferentzia bihurtzeko ekarpena egitea ere.
Berriki inauguratutako Agustina Zentroak KSI Kultura eta Sormen sektorean espezializatutako gunea da, irekia eta dinamikoa. Helburua berriz, sektoreko proiektuekin, enpresekin eta eragileekin batera proiektua berriak sortu, saretu eta elkarrekin haztea du. Ekintzailetza, garapen, eta sendotze programen bidez, ewta lanbide prestakuntza eta topaketen eskaintzarekin, hainbat baliabide jarri nahi ditu KSI sektorearen eskura haren lehiakortasuna hobetzeko.
