Udalarekin euskaraz egitera deitu dituzte herritarrak
2023-2027 epean euskara eta gaztelania erabiltzeko jarraibideak onartu berri ditu udalak. Gaur gaurkoz euskarazko erabateko arreta bermatua du.
Errenteriako Udalak zergen kobratzea berreskuratzen ari da pixkanaka. 2027ra arte euskara eta gaztelania erabiltzeko jarraibideak onartu berri ditu Errenteriako Udalak. Jarraibideak, arau modukoak dira, eta herritar, elkarte eta erakundeekin nola komunikatu, eta barruko lanean erabiliko dena zehazten dute. Hala izan dadin, udala prestatuta dago informazio guztia euskaraz emateko, eta hori horrela, euskaraz dakiten zein ikasten ari diren herritarrei ahozko zein idatzizko udalarekiko harremanetan euskara erabiltzeko deia egin die.
Gaur gaurkoz jendaurrean ari diren udal langile guztiek ahal dute arta euskaraz egin, harago, lehenengo hitza euskaraz egiten dutela azaldu du udalak, “udalak egindako aurrera urratsen ondorio da hori, eta herritarrei begirako harremanetan ez ezik, barruko lanetan ari diren langileen arloan ere egin dira”.
Ordezkari politikoei ere erreparatu die udalak, “inoizko korporaziorik euskaldunena du gaur egun”.
Zenbakietara ere eraman du udalak herritarren hizkuntza erabilera herriko instituzioarekin harremanetan jartzeko garaian, eta hala, udaletxera inguratzen diren herritarren %25 euskaraz aritzen dela nabarmendu du, baita telefonoz deitzen dutenen artean ere. Idatzizko harremanetan, ordea, behera egiten duela kopuru horrek azaldu du: “Azkeneko urteotan gero eta jende gehiago hurbiltzen da euskaraz eta udalak joera hori jarraitzea nahi du eta Zu! Zure Udala zerbitzura, herri Arte Eskolara, Kiroldegira, bibliotekara eta abarretara euskaraz dakienak euskaraz jardutea nahi luke”.
Euskarazko harremana errazteko udalak herritarrei helarazitako testuak erraztu dituela ere azaldu du, “ulermen arazorik izan ez dadin. Zu! zerbitzua martxan jarri zenetik, gainera, herritarrei galdetu egiten zaie zein hizkuntzatan jaso nahi dituzten komunikazioak eta hizkuntza hautua errespetatuta, saiakera egiten ari da udala euskaraz edo elebitan bideratzen”.
Bertara jotzean euskaraz hitz egitera deitu ditu herritarrak udalak, eta hala nahi duenari euskaraz egingo diotela ziurtatu du.
