Udako ordutegia hainbat udal zerbitzu eta instalaziotan
Zu! Zure Udala, lekuona Fabrika, Emakumeen Etxea eta kirol instalazioei eragingo die aldaketa horrek.
Beraungo igerilekua Udako ordutegiarekin funtzionatuko ditu irailera arte hainbat udal zerbitzuk eta instalaziok. Hala izango da udaletxeko Zu! Zure Udala arreta zerbitzuaren kasuan, eta hilaren 8tik irailaren 6ra bitartean, astelehenetan 07:30etik 14:00etara atea asteartetik ostiralera 07:30etik 15:00etara; Aldakoenean berriz, ohikoa izango da ordutegia, astelehenetik ostiralera 08:00etatik 14:00etara. Uztailaren 23an itxita izango da Zu! zerbitzua, gainera.
Lekuona Fabrikan ere aldaketak. Hala, hilaren 15etik abuztuaren 31ra bitartean biak barne, astelehenetik ostiralera 09:00etatik 14:30era izango da zabalik; hilaren 23an ere itxita izango da.
Emakumeen Etxeak berriz ateak itxiko ditu hilaren 22tik, abuztuaren 30era arte, biak barne.
Kirol instalazioetan azkenik, irailaren 8ra arte izango da indarrean udako ordutegia. Beraungo igerilekuen kasuan, 10:30etik 21:00etara izango dira zabalik abuztuaren 31 arte, eta 10:30etik 20:30era irailaren 1etik 8ra.
Fanderiako igerilekuan berriz, 09:00etatik 22:00etara izango da ordutegia egunero, igande eta jaiegunak barne. Galtzarabordako kiroldegiko igandeetako ordutegia 08:00etatik 14:00etara izango da udan, eta gainontzeko egunetan ez da aldaketarik. Horretaz gain, kiroldegi hori itxita izango da abuztuaren 1etik 15era bitartean, geldialdi teknikoa dela eta.
Kirol instalazioak gainera, itxita izango dira hilaren 22an, astelehena.
