Zuloaga Oroitaldiaren Haur eta Kadete kategorietako finalak, larunbatean
Promesa eta Elite kategorietako finalak, Madalena Egunean jokatuko dituzte, hilaren 22an.
![](https://oarsoaldea.hitza.eus/site/files/2024/07/dsc03355.jpg)
Zuloaga Eskuz binakako Pilota oroitaldiaren finalak jokatuko dituzte larunbatean Haur eta Kadete kategorietan. Alkartasuna eta Ondarra elkarteek antolatutako txapelketak hogeita zortzigarren ekitaldia du aurtengoa eta finalak, Agustina Otaola pilotalekuan jokatuko dituzte 10:45ean hasita.
Haur Mailan, Zufiria-Caballero bikotea eta Ansola-Santesteban bikotea ariko dira norgehiagoka; Kadete kategorian, berriz, Laso-Artetxe Aldaz-Anzizar bikotearen kontra.
Aurrerago jokatuko dituzte Promesa eta Elite Mailako finalaurrekoak, zehazki hilaren 20ko asteburuan, eta finalak, berriz, Madalen Egunarekin batera, hilaren 22an. Partida horiek ere, Agustina Otaola pilotalekuan jokatuko dituzte.