Madalenen harira, trafiko aldaketak
Trafikoan aldaketak izango dira, baita hiri barruko zein kanpoko garraio lineetan ere.
Madalenak direla eta aldaketak izango dira trafikoan zein hiri barruko zein kanpoko garraio lineetan ere. Mozketei dagokienean, hilaren 18ko, osteguna, 08:00etatik hilaren 28ra arte Touring etorbidea itxita izango da barrakak jartzeko. Nafarroa hiribidea, berriz,, hilaren 20an moztuko dute 19:000etatik aurrera Galizia eta Santa Klara biribilguneen artean, postuak jartzeko.
Hiri barruko garraio lineei dagokienean, Xenpelar eta Morrongilletako geltokiak bertan behera geratuko dira eta Tulle kaleko geltokira lekualdatuko dituzte hilaren 20ko 20:00etatik hilaren 26ko 07:30era arte. Bertan behera ere, ondoko geltokiak: Niessen, Zumardia, Fanderia eta Gabierrota. Lartzabal auzoko 19. geltokia ere bertan behera hilaren 18ko 08:00etatik aurrera.
Hiri artekoei dagokienean, Lurraldebusen E02, E04, E20, E26, E27, E72 eta E77 lineak Galizia biribilgunetik Lartzabaleraino eta alderantziz zuzenean joango dira, Nafarroa hiribidea itxiko dela-eta, uztailaren 20eko 19:00etatik uztailaren 26ko 13:00 arte. Beraz, Zumardia, Gabierrota eta Lartzabalgo geltokiak bertan behera geldituko dira, bi norabideetan.
Garajeetako erabiltzaileek azkeneko urteetako ohiko moduan egingo dute sarrera eta irteera, mozketak eragiten dien kasuan. Argibiderik behar izanez gero Udaltzaingora deitu behar dute. Taxiek Nafarroa hiribideko ohiko geltokia izango dute, 69b zenbakian eta gainera, geltoki berri bat izango dute jaietan, Nafarroa hiribidean, Santa Klara biribilgunearen ondoan. TAO zerbitzua eten egingo da uztailaren 20ko 13:30etik 26ko 09:30era.
Aparkalekuei ere eragingo diete jaiek, eta Merkatuzarrekoa itxita izango dela hilaren 20tik 25era azaldu du udalak. Aparkaleku alternatiboak, berriz, Telleri alde ikastetxean, eta Lousada kalean izango dira. Miguel Zabaleta kaleko kirol pistan 24 ordura zabalduko da aparkatzeko ordutegia.
Puntualki eta egitarauak derrigorzten duenetan trafiko mozketa puntualak ere izango dira eta Papresa barrutik pasatzen den bide publikoa ere itxita izango dela jakinarazi dute.
Zamalanei dagokienean, trafikorako itxitako gune guztiak 08:00etatik 12:00etara irekiko dira. Ordutegi horretatik kanpo ez zaie ibilgailuei sartzen utziko.
