Fanderiako errota bisitatzeko aukera asteburuan
Hilaren 27an, sei urtetik gorako haurrak dituzten familiei begirako pista jolasa antolatu dute.
![](https://oarsoaldea.hitza.eus/site/files/2018/05/DSC_1101.jpg)
Fanderiako Errota Ibaiaren Etxeak zabalik izango ditu ateak asteburuan, 10:30etik 14:00ak arte, eta beraz, madalenetako asteburuan hura bisitatzeko aukera izango da. Errotaren historia ezagutu, funtzionamenduan ikusi, eta ibaiak errotaren mekanismoan eta orokorrean Errenteria-Oreretaren industrializazioan izan duen papera ezagutu ahalko dute bertaratzen direnek. Sarrera doakoa da.
Bestalde, hilaren 27an, sei urtetik gorako haurrak dituzten familiei begira pista jolasa antolatu dute, Oiartzun ibaiaren inguruan. Hori ere doakoa izango da, baina aurrez izena eman beharko da parte hartu ahal izateko. Horretarako 943 49 45 21 edo 690 72 02 64 telefono zenbakietara deitu edo posta elektronikora mezua bidali behar da (klik hemen).