Indarra, banda, erraldoiak, entzierro txikia... eta bermuta

Gaur, Madalen Eguna. Eguzkitsu eta sano esnatu da eguna. Eguna bai, gorputzak agian ez. Dena dela, indarrez doa herriaren zaindariaren eguna.

Oarso Bidasoko Hitza

Errenteria-Orereta

2024/07/22

Madalen Eguna gaur. Madalenak hasi direla 24 ordu ere ez dira pasa, baina badirudi errenteriarrek festazale izateko entseguak egoki zituztela eginak, eta ez da batere nabaritu eskarmentu falta. Festarako ez baita entseatu behar; unean-unean gozatu behar dira. Halakoa izan da herriaren zaindariaren eguneko goiza.

Diana eta enparauak jada ahaztuta, eguerdi aldera hasi da pizten kale giroa. Gamon Zumardian herri kirolak , segidan erraldoi eta buruhandiak, ia batera EMKEren badaren kontzertua, eta Xanti eta Maialenen azken dantzaldiaren ondoren entzierro txikia iturri ziruditen bigantxekin. Bikain, eguzkitsu eta sano hasi da uztailaren 22a; beharbada gorputzen bat ez da hain sano jaiki ohetik. Horretarako erremedioa tabernen terrazetan aurkitu dute askok: bermuta.

Jarraian, Allende Arnaizek goizeko giroa irudi bidez azaltzeko egindako irudi sorta eta bideoa. Beherako, urdinean, gaurko nahiz biharko egitarauak. Ondo izan!

Madalenak 2024. Uztailaren 22ko goizeko giroa (2024-07-22)

Madalenak. Gaurko eta biharko egitaraua.

GAUR, HILAK 22

17:00 Inauteri desfilea: LA CIRCA MAGICA. Biteri kaletik (Niessen elkartea) Zumardira. Antolatzailea: Eureka gazte taldea.
18:00 JOSE ANTONIO ZULOAGA XXVIII. MEMORIALAren binakako esku pilotako finalak, hainbat kategoriatan. Sarrera doan. Agustina Otaola udal pilotalekua. Antolatzaileak: S.D. Alkartasuna eta S.D. Ondarra.
18:00 DANBORREN JAIA. HAUR DANBORRADAK: Gamon ikastetxea, Agustinak, Egiluze, Koldo Mitxelena, Ige Telleri, Alaberga eta Beraun. Errenteriako dantzariak eta txarangak. Alaberga Plazatik irtengo dira.
18:00 INDIOROCK:
- 18:00: Gailur taberna ondoan MALA RUINA
- 19:00: Panier gunea III. MUNDU GERRA
- 20:00: Lino gunea PUTO YANU & DJ ARTIE
- 21:00: Leku Zaharraren parean TROUBLE WOMAN
- 22:00: Foru plaza THE FAKE COUSINS
- 23:00: Gailur taberna ondoan SLIMFIT
- 00:00: Panier gunea POSTAL KOLEKZIONISTAK
- 01:00: Lino gunea SUAIA.
  Antolatzailea: Indioak
18:00 Bakarrizketa: BOCABEATS COMEDIA. Errota taberna (Fanderia). Antolatzailea: Errota taberna.
19:00 Antzerkia: Plaza hau gurea da EKIDA. Merkatu Zahar gunea. Antolatzailea: Oarsoaldeko mugimendu sozialista.
20:00 Kontzertua: ANDONI OLLOKIEGI. Erriola gunea (Koldo Mitxelena plaza). Antolatzailea: Erriola gunea.
19:30 FLAMENKO JAIALDIA: Sevillako dantzak, rumbak… Xabier Olaskoaga plaza. Antolatzailea: Concha Rociera Kultur elkartea.
20:00 Kontzertua: POP ROCK 80-90. Francisco Gaskue 1. Antolatzaileak: Taberna Iñaki, Bar AXA eta Oiartzun Taberna.
21:30 Kontzertua: SENSY BEATS. Lino-gunea. Antolatzailea: Oaingozhau kolektiboa.
22:00 Ereintza dantza taldearen ERROMERIA. Panier-gunea. Antolatzailea: Oaingozhau kolektiboa.
22:50 GAUEKO DANBORRADA. Pasai txarangak girotuko du. Udaletxeko Osoko Bilkuren Aretoan txapelak eta makilak emango dizkiete Madalenetan omenduak izango diren pertsonei. Ondoren, Herriko plazan “Zentenarioa” joko dute. Ibilbidea:Telleri Alde ikastetxea, Bittor Idiazabal, Ikutza Kortsarioa, Biteri, Xenpelar, Herriko plaza, Gamon Zumardia, Biteri txiki, Biteri, Martin Etxeberria, Bittor Idiazabal eta Telleri Alde ikastetxea. Antolatzailea: Telleri-Aldeko Ikasle Ohien Elkartea.Asociación de antiguos alumnos eta alumnas corazonistas Telleri-Alde.
23:00 SU-ARTIFIZIALAK. Pirotecnia Zaragozana-ren eskutik. Arramendiko mendi hegaletik jaurtiko dituzte, eta ikusteko lekurik onena Errioxa biribilguneko ingurua izango da.
23:15 Kontzertua: ZILIBITO RECORDS. Erriola gunea (Koldo Mitxelena plaza). Antolatzailea: Erriola gunea.
23:15 SUZKO ZEZENEN ENTZIERROA. Ibilbidea: Errioxako biribilgunea, Tulle kalea, Maria de Lezo, Foru plaza, Herriko plaza.
00:00 REGGAETON BEATS FEST. Line up: ImanolDt, Dj Herra. Xabier Olaskoaga plaza.
00:30 ZEZENSUZKOA danborradarekin batera. Zumardia.
01:00 Kontzertua: LEIZE. Zumardia.

BIHAR, HILAK 23 (ASTEARTEA)

06:00 DIANA Gau Txori txarangarekin eta Amulleta Danborren Kofradiarekin. Ibilbidea: Herriko plaza, Foru plaza, Xenpelar kalea, Biteri kalea, Alabergako biribilgunea, Nafarroa etorbidea, Zumardia.
12:00 BURUHANDIAK ETA ERRALDOIAK. Herriko kaleetan zehar.
12:30 BETI PREST. Panier-gunea. Antolatzailea: Oaingozhau kolektiboa.
16:30-20:30 Haurrentzako GT Magnetikoen Madalenetako Txapelketa. Reina aretoa. Antolatzailea: Hobby Cars Elkartea.
17:00 PILOTA PARTIDA PROFESIONALAK. Agustina Otaola udal pilotalekua (Fanderia). Antolatzailea: E.P.L.E.
17:00 KUADRILEN EGUNEKO POTEOA DJ BULL. Herriko kaleetan zehar. Antolatzailea: Oaingozhau kolektiboa.
18:00 BURUHANDIAK ETA ERRALDOIAK. Herriko kaleetan zehar.
18:00 HAUR ANIMAZIOA PERTSONAI EZAGUNEKIN. Koldo Mitxelena plaza. Antolatzailea: Eureka Gazte taldea.
18:30 DANBORRADA. Deiadar txarangak girotuko du. Ibilbidea: Koldo Mitxelena ikastetxea, Kapitainenea kalea, Santa Klara, Gabierrotako pasealekua, Sagrado corazon erresidentzia, Gabierrotako pasealekua, Santa Klara, Herriko plaza Xanti Maialen eta buruhandiekin, Foru plaza, Morrongilleta kalea, Koldo Mitxelena plaza, Biteri txiki, Koldo Mitxelena ikastetxea. Antolatzailea: Koldokide Guraso Elkartea (Koldo Mitxelena Ikastetxea).
19:00 VI. NAFARROAKO DEIA. ERRIBERAKO JOTAK Tuterako Nafar jota taldea eta “Oreretako Gaiteroak” Biteri kalea. Niessen Elkartea. Egun osoan zehar VOCES RIBERAS herriko kaleetan zehar. Antolatzaileak: Niessen Elkartea eta Bikolorete elkartea.
19:00 Ikuskizuna: TXIKIRINGITO Erre produkzioak. Zumardia.
19:30 MAIALEN ETA XANTIREKIN ARGAZKIA. Herriko Plaza. Antolatzailea: Oaingozhau kolektiboa.
21:00 Kontzertua: HYRONIKA, IRA ET DECESSUS, HELLMUGAN. Xabier Olaskoaga plaza. Antolatzailea: EMTE.
22:00 Kontzertua: MUGAN. Panier-gunea. Antolatzailea: Oaingozhau kolektiboa.
22:30 Kontzertua: ARKALE, IGITAIA, AURREZ AURRE, RODEO. Merkatu Zahar gunea. Antolatzailea: Oarsoaldeko mugimendu sozialista.
22:30 Berbena TSUNAMI Orkestrarekin. Foru Plaza.
22:30 Kontzertua: ALARMA MOREA. Erriola gunea (Koldo Mitxelena plaza). Antolatzailea: Erriola gunea.
22:45 SUZKO ZEZENEN ENTZIERROA. Ibilbidea: Koldo Mitxelena ikastetxea, Biteri Txiki, Xenpelar Kalea, Foru plaza, Madalena kalea, Herriko plaza.
23:00 Kontzertua: SUKENA. Lino-gunea. Antolatzailea: Oaingozhau kolektiboa.
23:30 KARAOKEA. Panier-gunea. Antolatzailea: Oaingozhau kolektiboa.
00:00 Kontzertua: OIHAN VEGA. Zumardia.
00:30 Kontzertua: AFTER EGURRA TA KITTO. Lino-gunea. Antolatzailea: Oaingozhau kolektiboa.
02:30 MADALENAK ELECTRONIC FEST 2024. Line up: J.Mancera, Iker Kabe eta ANDRESANTO. Zumardia.

Erlazionatutako edukiaEztanda egin du festak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.