Ez dago aspertzerik madalenetan
Arratsaldean Kukañaren txanda helduko da. Ikusmin handia piztuko du beste behin ere. Goizean ardo dastaketa, haur krosa, apar festa eta adinekoei harrera egin dituzte.
Apar festa txikienentzat gaur Gernika plazan. Aurrera doaz madalenak. Laugarren eguna dute gaur baina herritarren festa gogoa ez da itzali. Goiz partean, haur krosa izan dute txikienek, eta gustura ibili dira lasterka Koldo Mitxelenak hasi eta plaza berean bukatu den lehia irabazi gogoz. Tartean CAR Errenteria Atletismo Taldeko kide eta krosa antolatzen laguntzaile izan den eta joan den maiatzean hil zen Javier Imaz Villaciain, hark egindako lana aitortuko dute hilaren gaur egin dioten omenaldiarekin: “Madalenetako Haur Krosa abian jartzeko bere lankidetza aktiboagatik, eta gure herrian kirola, bereziki atletismoa, sustatzeko eta indartzeko egindako lanagatik omendu dugu”.
Lasterketaren irabazleek saria eraman dute. Honakoa sailkapena: Benjamin nesketan June Intxausti izan da lehena, Sofia Lopez bigarrena, eta Olivia Lopez hirugarrena. Kategoria bereko mutiletan berriz, Owen Nieto lehena izan da, Jon Otaegi bigarrena, eta Jakes Buregaña hirugarrena.
Alebin nesketan, June Ovejero izan da azkarrena, bigarren sailkatu da Naia Nieto, eta hirugarren Onintza Elustoondo. Mutiletan lehena, Mikel Maritxalar izan da, bigarrena Lier Otaegi, eta hirugarrena Arnau Leonet. Haurretan aiora Martin izan da lehena nesken kategorian, eta mutiletan berriz, ander Revilla, kenai Sanchez eta Ibon Bandres sailkatu dira lehenengo, bigarren eta hirugarren, hurrenez hurren.
Batzuk lasterka ari ziren bitartean, adinekoek luxuzko dantzaldia izan dute Herriko Plazan Gurutze Gorriko boluntarioek lagunduta. Xanti eta Maialenek eta buruhandien konpartsa izan dituzte lagun, eta pozik eman diete bostekoa.
Oiartzun ibaiaren bestaldean berriz, ardo dastaketa musikatuaz gozatu dute hainbat lagunek Panier gunean. Morauk girotuta Biba Ardoak gidatutako dastaketa egin dute, ardo gorenekin, Ez dute gaizki hasi eguna, ardo artean. Ondoan, berriz, apar festa izan dute txikienek —eta hain txikia ez zen bateren bat ere—. Bainujantzia, txankletak eta uretako betaurrekoak soinean pozik egin dute zanbulla apar zuriz betetako Gernika plazan.
Arratsaldean, 19:00etatik aurrera, kukaña izango da. Ikusmina eta barre algarak ziurtatuta daude. Harekin gozatu nahi duenak, garaiz joan beharko du Oiartzun ibaiaren bi aldeak lepo betetzen direlako.
Madalenetako gaurko egitaraua
- 16:30-20:30 Madalenetako F1 klasikoak txapelketa. Reina aretoa. Antolatzailea: Hobby Cars Elkartea.
- 16:30 “KUKAÑA” TXIKIA. Panier-gunea.
- 17:00 BERTSO SAIO MUSIKATUA. Lino-gunea. Antolatzailea: Oaingozhau kolektiboa.
- 18:00 Emanaldia: CONCHA ROCIERA. Lino-gunea. Antolatzailea: Oaingozhau kolektiboa.
- 18:00 JOAKIN ETXEBERRIA XXIX. MEMORIALA: pala partidak hainbat kategoriatan. Sarrera doan. Agustina Otaola udal pilotalekua (Fanderia). Antolatzailea: Eple Kirol Kluba.
- 18:00 Gazte mailako LVI. DANTZA SOLTEKO TXAPELKETA. Xabier Olaskoaga plaza. Antolatzailea: Ereintza Dantza Taldea.
- 18:00 BURUHANDIAK ETA ERRALDOIAK. Herriko kaleetan zehar.
- 18:00 Kontzertua: BIKOTE ROCK. Terraza Iñaki taberna. Antolatzailea: Burusoilen elkartea Errenteria.
- 18:30 ANIMAZIOA Gazteek proposatutako BIXKOR txarangarekin. Irteera: Zumardia.
- 18:30 Kontzertua: MONTERREY SURFERS. Errota taberna (Fanderia). Antolatzailea: Errota taberna.
- 19:00 UREZKO ZEZENA eta ENTZIERRO TXIKIA. Irteera: Herriko plaza.
- 19:00 KUKAÑA. 18:30-18:50 izen-ematea. Panier-gunea.
- 19:30 ANIMAZIOA Amulleta Danbor Kofradia eta Gau Txori Txarangarekin. Irteera: Herriko plaza.
- 19:30 Helduen mailako GIPUZKOAKO LXXIV DANTZA SOLTEKO TXAPELKETA. Xabier Olaskoaga plaza. Antolatzailea: Ereintza dantza taldea.
- 19:30 Kontzertua: SUKAR. Lino-gunea. Antolatzailea: Oaingozhau kolektiboa.
- 20:00 Kontzertua: OLGETAN ERROMERIA. Gernika plaza.
- 20:00 Kontzertua: LEE JUNIOR, MARIACHIS (Aguilas de Jalisco) , DJ ANDRES SOTO. Francisco Gaskue 1. Antolatzaileak: Taberna Iñaki, Bar AXA eta Oiartzun Taberna.
- 20:30 KALEJIRA. Herriko kaleetan. Antolatzailea: Errenteriako Dultzaineroak.
- 21:00 Kontzertua: ILUNA. Panier-gunea. Antolatzailea: Oaingozhau kolektiboa.
- 22:00 Kontzertua: PUNTTU KAKOTX. Erriola gunea (Koldo Mitxelena plaza). Antolatzailea: Erriola gunea.
- 22:00 DANBORRADA. Ibilbidea: Juan de Olazabal, Biteri, Maria Lezo, Madalena, Herriko plaza, Erdiko kalea, Santa Klara kalea. 23:45etan Udaletxearen aurrean. Antolatzailea: Landare Elkartea.
- 23:00 SU-ARTIFIZIALAK. Zaragozana Pirotecnia-ren eskutik. Arramendiko mendi hegaletik, eta ikusteko lekurik onena Errioxa Biribilguneko ingurua izango da.
- 23:30 Kontzertua: NORTHECKO, KALIPOTXO. Merkatu Zahar gunea. Antolatzailea: Oarsoaldeko mugimendu sozialista.
- 23:30 Kontzertua: OPILAK. Lino-gunea. Antolatzailea: Oaingozhau kolektiboa.
- 23:30 LIME “OUT NIGHTS” jaietan kale giroa. Limerick taberna. Antolatzailea: Limerick taberna.
- 23:59 KALEFESTA 2024. Zuzen tabernaren plaza. Antolatzailea: Zuzen Gastropub.
- 00:00 Kontzertua. Madalena kalea. Antolatzailea: Sindikato taberna.
- 00:00 Kontzertua: ANJE DUHALDE. Erriola gunea (Koldo Mitxelena plaza). Antolatzailea: Erriola gunea.
- 00:00 Kontzertua: Frank Huncho, Azk, Aces, Sensi Beats, Caste. Merkatu Zahar gunea. Antolatzailea: Oarsoaldeko mugimendu sozialista.
- 00:30 Kontzertua: LA PERRA BLANCO. Zumardia.
- 01:00 Kontzertua: EL ÚLTIMO GUATEQUE. Xabier Olaskoaga plaza.
- 01:00 EUSKAL DANTZAK. Fandango, arin-arin, mutxikoak, zazpi-jauzi, Tafallako jota, Txulalai, Baltsak…BUKAERAN Larrain dantza eta “Madalenetako diana”. Herriko Plaza. Antolatzailea: Errenteriako Dultzaineroak.
- 01:30 Kontzertua: HAPENIN. Panier-gunea. Antolatzailea: Oaingozhau kolektiboa.
