Lezoar bat eta oiartzuar bat hil dira Mont Blanc du Tacul mendian
26 eta 27 urteko bi gazte hil dira, tontorretik jaisten ari zirenean. Haiekin zen beste oiartzuar bat bizirik atera da.
Bi mendizale hil dira gaur arratsaldean, 26 urteko oiartzuar bat eta 27 lezoar bat, Frantziako Alpeetan, Mont Blanc du Tacul mendian. Tontorretik jaisten ari zirela izan dute istripua, EFE agentziak jakinarazi duenez. Agentziaren arabera, 100 metro ingurutik erori dira, baina ez dakite oraindik zergatia. Haiekin batera beste mendizale oiartzuar bat zen, baina bizirik atera da.
Arratsalde hasieran izan da istripua. Jendarmeriaren mendiko erreskate taldea arduratu da gorpuak erreskatatzeaz eta Chamonixera eraman dituzte.
