Udal kirol instalazioetako tasak eguneratuko ditu udalak irailean
Udal instalazioetan kirol zerbitzuen prestazioa ziurtatuko duten diru sarrera nahikoak bermatu eta kalitatezko zerbitzu publikoak eskaintzen jarraitzea da ordenantzaren aldaketaren helburua udalak azaldu duenez.
![](https://oarsoaldea.hitza.eus/site/files/2022/07/galtzaraborda_kiroldegia-1024x685-1.jpg)
Udal kirol instalazioetako tasak eguneratuko ditu udalak irailean. Tarifa horiek %2,6ko igoera izango dute irailaren 1etik aurrera, eta Galtzarabordako kiroldegian eta Fanderia eta Beraungo igerilekuetan izango dute eragina. Igerilekuko abonua duten erabiltzaileek 0,37 euro gehiago ordaindu beharko dute hilean, eta abonu orokorra dutenek 0,68 euro gehiago hilean.
Udal instalazioetan kirol zerbitzuen prestazioa ziurtatuko duten diru sarrera nahikoak bermatu eta kalitatezko zerbitzu publikoak eskaintzen jarraitzea da ordenantzaren aldaketaren helburua udalak azaldu duenez.
Azaldu duenez udaleko kirol zerbitzuen tasak ez zirela eguneratu aurtengo urtarrilaren 1ean: “Espainiako Bankuak egindako aurreikuspenen arabera, 2023ko otsailetik azken igoera egin zeneko data, aurtengo uztailera bitarteko KPIak %4,5eko igoera izan du, egindako proposamena baino handiagoa”.