Euskal Herria Koparen B Mailako finala, Fanderian
Igandean jokatuko dute emakumeen futboleko XIV Euskal Herriko Kopa eta Reala B eta getxoko Bizkerre taldeak ariko dira garaipen bila 12:00etatik aurrera.
![](https://oarsoaldea.hitza.eus/site/files/2018/03/instalacion_142.jpg)
Euskal Herria Koparen B mailako finala jokatuko dute Reala B eta getxoko Bizkerre taldeek igandean Fanderian. 12:00etan hasiko da emakumeen futbol finala eta sarrera doakoa da.
Euskal Herriko Kopa B-ren aurtengo ekitaldiko finalerdietan Reala B, Osasuna B, Athletic B eta Bizkerre taldeek parte hartu dute. Joan den larunbatean jokatutako partidetan Reala B sailkatu zen, Osasuna B 2-0 irabazi ondoren, eta Bizkarre taldea Athletic B 1-3 gaindituta heldu da finalera.
Lehen aldia da Errenteria-Oreretak halako final bat hartzen duena. Gainera, igandeko partidan Touringen aritutako Realeko hiru jokalari ikusteko aukera izango da: Enara Losada, Irune Ibarguren, eta Omaya El Amraoui.