Astelehenean itzuliko dira ohiko ordutegira Xorrola eta biblioteka
Abuztua bukatuta, ohiko ordutegia berreskuratuko dute irailaren 2an autobus zerbitzuak eta Manuel Lekuonak.
![](https://oarsoaldea.hitza.eus/site/files/2024/08/img_20230829_132159.jpg)
Abuztua bukatuta, ohiko ordutegira itzuliko dira astelehenean Xorrola eta Manuel Lekuona biblioteka. Irailaren 2tik aurrera, astelehenetik ostiralera goiz eta arratsaldez emango dute zerbitzua autobusak eta liburutegiak.
Biblioteka 09:00etatik 13:00etara eta 16:00etatik 20:00etara egongo da zabalik. Larunbatean ere ateak irekiko ditu, 09:00etatik 13:00etara. Ikasle gela, aldiz, egunero egongo da irekita, 09:00etatik 22:00etara.
Xorrolaren zerbitzua, berriz, 07:10ean hasi eta 22:10ean bukatuko da. Autobusak ordu erdiko maiztasunarekin irtengo dira Arraguatik. Larunbatetan 07:10etik 15:10era bitartean erabili ahal izango da.