Udal Euskaltegiak zabalik du matrikulazio epea
Eskaintza zabala du prest ikasturte berrirako ere Udal Euskaltegiak.
Udal Euskaltegiak ikastaro berriak jarriko ditu martxan. Matrikulazio epea zabaldu du Udal Euskaltegiak. A1, A2, B1, B2, C1 eta C2 mailak eta astean 20, hamabost, hamar eta bost orduko ikastaroak ditu aukeran. Eskolak goizean, eguerdian eta arratsaldean izan daitezke eta txandaka aritzeko aukera ere bada.
Matrikula prezioari dagokionean, ordu kopuruaren araberakoa izango da, baina baita errenta mailaren araberakoa ere. Ikasleek dituzten irabazien arabera ordainduko dituzte eskolak, eta horren gaineko argibide guztiak euskaltegian bertan emango dizkiete.
Hilaren 18an bukatuko da matrikula egiteko epea. Ordura arte astelehenetik ostiralera jo dezakete interesdunek Udal Euskaltegira 08:00etatik 18:30era. Informazio jasotzeko bi telefono zenbaki ere jarri ditu euskaltegiak eskura: 943 44 96 80 eta 647 68 09 27. Posta elektronikora ere idatz daiteke informazio eske, klikatu hemen.
