Zaintza publiko eta komunitarioa hizpide
Duintasuna jubilatu eta pentsiodunen elkarteak antolatuta zaintza publiko eta komunitarioaz ariko da Nerea Kortajarena.
Nerea Kortajarena gizarte langile eta politikaria izango da hizlaria. Zaintza erdigunean jarriko du Duintasunak eta haren eredua mahai gainean jarri. Zehazki zaintza publiko eta komunitarioa izango du Hizpide Nerea Kortajarenak, bera izango da hizlaria hilaren 24an egingo duten hitzaldian.
Gizarte langile eta politikari gipuzkoarra da Kortajarena, gizarte langintza eta gizarte esku hartzean bioetika formazioa du, besteak beste. Emaus Gizarte Fundazioaren birgizarteratze zuzendari izan da 17 urtez. EH Bilduko kidea, legebiltzarkidea da 2016az geroztik.
Hitzaldia Reina aretoan izango da 18:00etatik aurrera.
