Santakrutzetako bertso bazkarietarako txartelak, salgai
Hilaren 16an, Baserritarre Egunean egingo dituzte bi bertso bazkariak, Ixkulin eta Tiñelu elkarteetan. Ondoren, plazara eramango dute bertsolaritza.
Hilaren 16a Lezoko santakrutzetako Baserritarren Eguna da. Orduan egingo diren ekitaldien artean hiruk bertsolaritzarekin harremana dute: Ixkulin eta Tiñelu elkarteetan bertso bazkariak egingo dituzte 14:30ean hasita, eta bazkalostean, 20:00etan, bi elkarteetan izan diren bertsolariek Gurutze Santuaren plazan saioa eskainiko dute. Bi bazkaritarako sarrerak jada eros daitezke.
Ixkulin elkarteko saioan Sebastian Lizasok eta Andoni Egañak parte hartuko dute. Han izateko tiketak Irurtzun jatetxean, Sotxo eta Txingurri tabernetan, nahiz Ixkulinen bertan (astelehenetik ostegunera, 19:00etatik 21:00etara) daude salgai 35 euroan.
Tiñelu elkartekoan, berriz, Maddi Ane Txoperena eta Aitor Mendiluze izango dira bertsoen arduradun. Horretarako sarrerak Tiñelun bertan erosi behar dira, hilaren 15era arteko epean.
Esan bezala, bi elkarteetan izango diren lau bertsolariek 20:00etan eskainiko dute saioa Gurutze Santuaren plazan.
