Bira arrakastatsua egin ostean, etxean da Zaria Koru Eskola
Frantzian eta Txekian izan da eta hainbat kontzertu ematearekin batera, nazioarteko harremanak sendotzeko baliatu du bira.
Zaria Koru eskolakoak egindako biran ateratako argazki batean. Argazkia: Zaria Koru Eskola Arrakastatsua. Horrela definitu du Zaria Koru Eskolak abuztuaren 30etik hilaren 10era arte Frantzia eta Txekian barrena egin berri duen bira. Bidaia horretan hainbat kontzertu egiteaz gainera, beste abesbatza batzuen bidez nazioarteko harremanak sendotu eta kideen arteko kohesioa indartu dute.
Lau kontzertu egin dituzte denera.
Ikasturte hasieraren berri ere eman du Zariak. Datorren astelehenean ekingo dio ikasturte berriari eta berritasun batekin dator: Koru eskolak musika tailerrak sortu ditu txikienentzat, 2019 eta 2020an jaiotako haurrentzat. Gainera, hilaren 21ean kontzertu berezi batean hartuko dute parte Jon Maia bertsolariarekin batera Zumaiako Itzurun hondartzan.
Zaria Koru Eskolaren jardueren gaineko informazio guztia hemen klik eginda kontsulta daiteke.
