Haur, gazte eta familientzat programa sorta
Haur, gazte eta familiei begirako programen berri eman du udalak. Horietan izena emateko epea astelehenean zabalduko da.
gaur egin dute programen aurkezpena udal agintari nahiz programen gidariek. Errenteriako Udalak hau, gazte eta familiei begirako programa sorta berriz ere prestatu, eta gaur goizean aurkeztu du. Familian Hezi, Familia Gunea, Saio Monografikoak, Familia Taldeak eta Bakarkako Arreta guneak biltzen dituena, Familian Jolasean, ludotekak, gaztelekuak eta Kuadrillategi dira. Horietan denetan izena emateko epea hilaren 16an (astelehenean) zabalduko du udalak, hilaren 27ra arte; behi izena emanda dagoenean, urriaren 31ra arteko epea dago baja emateko, eta horrela, urteko kuotarik ez da ordaindu beharko. Udalak programa horien gaineko liburuxkak egin, eta udaleko hainbat sailetan nahiz webgune bidez lortu ahalko da. Izen emateak Gazteria sailaren webgunearen bidez ere egin behar dira.
Jarraian azalduta dauden programa horien gaineko informazio gehiago Gazteria Sailaren posta elektronikora idatzita, edo 943 44 96 06ra deituz lor daiteke.
Familian Hezi
Programa hau ikasturte honetako berritasuna da, Familian Hezi. Familiei begirakoa da, eta horien beharrei erantzun eta hezkuntza eredu positiboak eraikitzen eta sustatzen laguntza du xede. Familia Heziren barruan lau zerbitzu eskaintzen dira, denak 0-16 adin tartekoei eta haien familiei begirakoak.
- Familia Gunea: 0-6 adin tarteko haurrei eta haien familiei eskainitakoa. Txandak: astelehenetik ostiralera 17:00-19:00; astearte eta ostegunetan 10:00-13:00; larunbatetan 10:00-12:00. Izena emateko, hemen, edo Zu! Bulegoan (ikus ordutegia) Urteko kuota: 44,03 euro. Tasa hori familia errentaren arabera egokitu daiteke.
- Saio monografikoak: haur, gazteen hezkuntzarekin harremana duten gaiak landuko dituzte, familien kezka iturri direnak. Ikasturtean bederatzi saio egingo dira, hiru etapa bakoitzeko (HH, LH eta DBH). Lehen etapa urrian izango da, bigarrena otsailean, eta hirugarrena maiatzean. Saio guztietarako aldez aurretik eman behar da izena.
- Familia taldeak: kolektiboki eta modu irekian esperientzia pertsonaletik abiatutako gaiak landuko dira lehen aipatutako hiru etapetan. Urritik maiatzera 16 saio egingo dira, zortzi Beraunen eta beste zortzi Erdigunean.
- Bakarkako arreta: gune horrek familiaren behar konkretuei modu pertsonalizatuan erantzun nahi die eta arreta telefonoz, bideo-dei bidez edo posta elektronikoz jaso ahal izango da.
Familian Jolasean
Aisialdiaz euskaraz gozatzeko egitasmoa da, 6-12 adin tarteko haur eta haien familientzat. Doan da, eta ostiralero garatuko da 17:30etik 19:30era Agustinetako Markola hiribideko 24. zenbakiko lokalean. Gainera, hilabete bakoitzeko azken larunbatean jarduera ibiltariak egingo dituzte.
Ludotekak
6-12 adin tarteko haurrek balioetan oinarritutako aisia-hezkuntza zerbitzua izan dezatela da ludoteken helburua. Sei daude herrian: Agustinetan, Beraunen, Erdigunean, Gabierrotan, Kaputxinoetan eta Markolan. Izen emateak webgune bidez egin behar dira, edo aurrez aurre astegunetan 17:30etik 19:30era ludoteketan. Urteko kuota: 44,03 euro. Tasa hori familia errentaren arabera egokitu daiteke.
Gaztelekuak
13-17 adin tartekoei bideratuta, hezkuntza-aisia balioduna eta parte hartze aktiboa bilatzen duten espazioak dira. Bi daude, Beraunen eta Gabierrotan Horietan izena asteazkenetik larunbatera eman dezakete gazteek, 17:30-20:30 tartean.
Kuadrillategi
Kuadrilla giroan aisia planak egiteko aukera, taldean eta euskaraz ostiralero. Urtean zehar irteerak egiten dira, bai eta eskualdeko beste herrietako taldeekin jarduerak ere. Izena emateko aukera udaleko Gazteria sailaren webgunean, edo ikastetxeetan banatutako eskuorrien bidez.
