Don Boscoko Kimika arloak espazio eta ekipo berriak ditu
Kimikako zikloetan urriaren 18ra arte dago izena emateko epea zabalik. Beraun kalean du egoitza berria.
Espazio eta ekipo berriak ditu ikasleen eskura Don Boscoko Kimika arloak. Argazkia: Don Bosco LHII Ikasturte berriaren hasierarekin batera, martxan dira Don Bosco LHII Lanbide Heziketako Institutu Integratuko Kimikako ziklo guztiak. Bikaintasun izendapena lortu du Errenteria-Oreretako ikastegiak Kimika arloan, eta arduradunek azaldu dutenez, Gipuzkoako enpresentzat erreferentea da, berrikuntza proiektuetan zein ikasleen formakuntza dualean. berritasunik ere bada, izan ere, Kimika arloko hezkuntza proiektuak ikasleek erabilgarri izango dituzten espazio eta ekipo berriak izango ditu, eta kimika arloko lau zikloak —Kimikagintza, Kimika Industriala, analisi eta Kalitate Kontroleko Laborategia, eta Produktu Farmazeutiko, Bioteknologiko eta antzekoen Fabrikazioa— euskaraz zein gaztelaniaz ikasteko aukera izango dute ikasleek, “orain arteko eskaintza zabalduz. Azken bi ziklo hauen kasuetan gainera, hezkuntza eskaintza ingelesezko eleaniztasun ereduarekin zabaltzeko aukera izango da”.
Berrikuntzen artean instalazio berrietan gela, laborategia eta tailerrak ez ezik, ekipamendu industriala ere ikasleentzat erabilgarri izango dela nabarmendu dute Kimika arloko arduradunek, “horrela, papera, polimeroak, edota material berrien ekoizpena eta kalitatea kontrolak maila industrialean lantzeko aukera izango dute”. Azken horrek enpresekin proiektu berriak lantzeko aukera zabalduko duela ere azaldu dute, “enpresa eta eskolaren arteko elkarlana uztartuz”.
Gaur gaurkoz, 40 irakaslek osatzen dute Kimika arloko hezkuntza proiektua, eta horien gidaritzapean erabili ahalko dituzte espazio eta ekipo berriak ikasleek.
Kimika arloko zikloetan izena emateko epea urriaren 18ra arte dagoela zabalik jakinarazi dute: “Hortaz oraindik ere matrikulatzeko aukera dago. animatu eta ez galdu proiektu eder honen partaide izateko aukera”.
-
- Espazio eta ekipo berriak ditu ikasleen eskura Don Boscoko Kimika arloak. Argazkia: Don Bosco LHII
-
- Espazio eta ekipo berriak ditu ikasleen eskura Don Boscoko Kimika arloak. Argazkia: Don Bosco LHII
