Bideojoko sortzaile euskaldunen topaleku izango da Badalab Laborategia
Euskal Game Jam topaketaren bigarren ekitaldia egingo dute urriaren 18tik 20ra. Izen ematea irekia dago.
Euskal Game Jam topaketa urriaren 18tik 20ra egingo dute. argazkia: Gazteberri Bideojoko sortzaile euskaldunen lubakia izango da Badalab Hizkuntza Berrikuntza Laborategia urriaren 18tik 20ra bitartean. Bertan egingo dute Euskal Game Jam topaketaren bigarren ekitaldia, Zomorro Studiok, GAme Erauntsia Elkarteak, Torrekua Guneak eta Badalab Laborategiak antolatuta. Helburua, bideojoko sortzaile euskaldunak batzea zein elkar ezagutzeko espazioa sortzea da, baita euren abileziak agerian jartzea ere.
Parte hartzaileek, 48 ordu izango dituzte euskara hutsean egindako bideojokoa sortzeko. Urriaren 18an, 18:00etan hasiko dute sormen prozesua, eta bi egun geroago, proiektuak bukatuta eta itch.io bideojokoen plataforman argitaratua eduki beharko dute. Game Jam topaketen helburua, bideojokoak epe mugatuan sortzea da, eta iniziatiba Euskal Herrira hurbiltzea bilatzen dute antolatzaileek, “Bideojokoen garapenaren munduan ari diren euskaldunen kopuruak gorakada nabarmena izan du azken urteotan. Zoritxarrez, askok ez dute elkar ezagutzeko espaziorik. Hori dela eta, Game Jamarekin euskal bideojokogintzako hasiberriak nahiz profesionalak elkartu nahi ditugu, eta aldi berean beraien gaitasunak ezagutarazi zein elkarrengandik ikasteko espazioa eraiki”.
Espazioa fisikoa izango da, baina baita digitala ere, etxetik ere parte hartu ahalko dute nahi dutenek.
Hartzaileak 18 urtetik gorako bideojokogileak, hemen klik eginda izena eman dezakete. Informazio guztia ere, lotura horretan dute eskura interesdunek.
Prozesu osoa euskara hutsean egingo da, eta aurkeztutako bideojokoak euskaratuta egon beharko dute. Antolatzaileekin harremanetan jartzeko, Game Erauntsiaren posta elektronikora (klik hemen) edo 623 39 68 38 telefono zenbakira deitu, Zomorro Studioarenera, Badalaben posta elektronikora edota 650 00 23 65 telefono zenbakira deitu, edota Torrekuako posta elektronikora bidal dezakete mezua interesdunek.
