Idoia Lizeaga eta Marion Lemmen elkarlanean jarriko ditu Atlantikaldiak
Begiradak proiektuaren barruan Itsas Puntua, Ikus Puntua elkarlana sortuko dute.
Marion Lemmen eta Idoia Lizeaga. Aniztasuna du berezko Atlantikaldiak. Musika eta kulturan, oro har da askotarikoa, baita elkarlanean jartzen dituen artisten jatorria ere. Horren adibide,—bat gehiago— dira Idoia Lizeaga errenteriarra eta Marion Lemmen holandarra. Begiradak proiektuaren barruan Itsas Puntua, Ikus Puntua elkarlana sortuko dute.
Etzi izango da hori, ostirala, Erdiko kalean artisau Auzoan, zehazki, arratsaldean. Helburua gizarteak eta pertsonek itsasoarekin duten harremanaren inguruko begiradei buruz hausnartzen duen lan bisuala garatzea da. Harago ere jo nahi dute, eta birnaturalizatzeko eta itsas ingurunera hurbiltzeko beharraz kontzientziatzea era izango dute xede, gizarte moduan ekintza ekonomiko eta kulturaletan eta eguneroko ekintza txikietan hartzen diren erabakietan eragiteko”.
Artearen eta kulturaren inguruko hausnarketak eta eztabaidak sustatuko dituzte, baita aniztasuna, berdintasuna, eta ingurumenaren zaintzaren gaineko elkarrizketa ere.
