Atlantikaldiaren emanaldietan lekualdaketak, eguraldiaren iragarpena dela-eta
Eguraldi txarra iragarri dute arratsalderako eta segurtasuna bermatzeko jarduera eta kontzertu batzuk leku estalietara eramango dituzte. Kontzertu batzuen hasiera ere atzeratu dute arrazoi berarengatik.
Atlantikaldiaren barruko haurrei begirako Zirku tailerraren irudi bat. Eguraldi iragarpena ez da ona gaur arratsalderako, eta horrek aldaketak eragin ditu Atlantikaldiaren programazioan. Programatutako gutzi-guztiak mantenduko ditu jaialdiak, hala jakinarazi dute, baina denen segurtasuna eta “gozamena” bermatze aldera tokialdaketak egin dituzte hainbat jarduera eta kontzertuetan. Ordutegian ere izan du eragina eguraldi iragarpenak, eta hainbat kontzerturen hasiera ordua, ordu erdiz atzeratu du antolakuntzak.
Ondoren kontsulta daitezke gaurko programatutako jarduera eta kontzertuak eta egindako leku eta ordu aldaketak. Datozen bi egunetan izan daitezkeen aldaketak hemen klikatuta kontsulta daitezke.
Gaurko programazioa eta egindako elkualdaketak
- 17:00. The Donkey Riders taldearen kontzertua Herrixkan —Foru Plaza— izango da. Herriko Plazan zegoen aurreikusia.
- 17:00. Itsas animalien eskulanak. Herrixkan —Foru Plaza—.
- 17:00. Olatuz olatu esperimentazioa. Herrixkan —Foru Plaza—.
- 18:00. Akaleia taldearen kontzertua Kalekaian.
- 19:00. Esanezin taldearen kontzertua Herrixkan—Foru Plaza— izango da. Herriko Plazan zegoen aurreikusia.
- 19:00. Ubuntu dantza tailerra Herriko Plazan egingo dute (Herrixkan zegoen iragarria) eta euria egingo balu, Merkatuzarrera lekualdatuko dute.
- 20:00. Francisco el hombre eta La Furiaren kontzertua, Itsasargi Nagusian.
- 20:00. Ganibet taldearen kontzertua Kalekaian.
- 21:00. Ane Martijaren kontzertua Herrixkan. (Ordu erdiz atzeratu dute)
- 22:00. Azul Ferreiraren kontzertua Herrixkan. (Herriko Plazan zegoen programatua, eta ordu erdiz atzeratu dute).
- 22:00. Safu, Kalekaian.
- 23:00. KBless DJ Set, Herrixkan (Ordu erdi atzeratu dute)
- 23:00. Queralt La Hoz eta Safuren kontzertua Itsasargi Nagusian.
- 00:00. Bichos Raros taldearen kontzertua, Kalekaian.
